रेडियो मिसन ।
गैरिटोलका आगलागी पिडितलाई बागमती प्रदेश सभा सदस्य एवं नेपाली कांग्रेस संसदिय दलका सचिव कृष्ण कुमार तामाङले सहयोग गर्नुभएको छ ।
बुधबार राती करिव ८ बजे घरमा करेन्ट सर्ट भई आगलागी हुँदा खाद्यान्न, लत्ताकपडा, भाँडाकुडा सहित सम्पूर्ण सामाग्री गुमाउनुभएका मेलम्ची –४, थकनीका मुइलामा तामाङको परिवारलाई बागमती प्रदेश सभा सदस्य एवं नेपाली कांग्रेस संसदिय दलका सचिव कृष्ण कुमार तामाङ (समीर) ले खाद्यान्न, लताकपडा र भाडाकुडा लगायतका अत्यावश्यक सामाग्री हस्तान्तरण गर्नुभएको हो ।
सांसद तामाङ आज घटनास्थलमै पुगेर वडा नम्बर ४ का वडाअध्यक्ष संजीव तामाङ, मेलम्ची–४, कांग्रेस सभापति अमर लामा, ने.बि.सङ्घ सिन्धुपाल्चोकका सचिव दिपेशराज खनाल, अनिश जङ्ग बस्नेत, रमेश काफ्ले सहित स्थानीयबासिहरुको उपस्तिथिमा आगलागी पीडितलाई तत्कालै आवश्यक पर्ने गाँस, बास र आवासका सामाग्री पीडित मुइलामा तामाङलाई हस्तान्तरण गर्नुभएको सांसद तामाङका स्वकीय सचिव बिशाल रावतले जानकारी दिनुभयो ।
साथै सांसद तामाङले आफ्नो ब्यक्तिगत खर्चमा जस्तापाता खरिद गरी तत्काल बसोबासका लागी स्थानियहरु सँग मिलेर अथाई टहराको निर्माण समेत गरिदिने पनि रावतले जानकारी दिनुभयो ।
