रेडियो मिसन, नवलपुर ।
प्रथम सेभेन ए साइड इन्द्रावती बूढी चौर कप फुटबल प्रतियोगिताको उपाधिको लागी आयोजकको ए टोली र इन्द्रावती ५ बिच प्रतिस्पर्धा हुने भएको छ । आज भएको पहिलो सेमिफाइनलमा आयोजकको ए टोलीले इन्द्रावती १२ को ए टोलीलाई २-० गोल अन्तरले हराउँदै फाइनलमा स्थान बनाएको हो । त्यस्तै अर्को सेमिफाइनल खेलमा इन्द्रावती ९ लाई ३-२ गोलले पाखा लगाउँदै इन्द्रावती ५ ले आयोजकको ए टोली सँगको फाइनल भेट पक्का गरेको हो ।
फाइनल खेल भोली दिउँसो १ बजे इन्द्रावती गाउँपालिका वडा नं १० को बडहरे खेल मैदानमा हुने आयोजक संस्थाका सल्लाहकार मदन कुमार भट्टराईले जानकारी दिनुभयो ।
२१ टिम सहभागी प्रतियोगिताको विजेताले ७५ हजार नगद सहित मेडल र प्रमाणपत्र प्राप्त गर्नेछ । त्यस्तै उपविजेताले ५० हजार सहित मेडल प्रमाणपत्र प्राप्त गर्नेछ । भोली एक कार्यक्रमका बिच समापन समारोह हुने र उक्त समारोहमा पुरस्कार वितरण सहित खेल आयोजनाका लागी आर्थिक तथा विभिन्न तवरबाट सहयोग गर्ने ८० भन्दा बढी व्यक्तित्वहरू सम्मानित हुने पनि सल्लाहकार भट्टराईले जानकारी दिनुभयो ।
