चौतारा,नवलपुर,मेलम्ची सडक खण्ड कालोपत्रे हुने भएको छ ।
आज बागमती प्रदेश सरकारका भौतिक पुर्वाधार विकास मन्त्री माननिय युवराज दुलालले उक्त सडक खण्ड कालोपत्रे कार्यको शिलान्यास गर्नुभएको हो ।
चौतारा देखि मेलम्ची सम्मको सडक खण्ड अन्तर्गत हाल चौतारा देखि झ्याडी सम्मको ८.२ किलोमिटर सडकको कालोपत्रे गर्ने कार्यको शुरु भएको हो ।
यो सडकखण्ड कालोपत्रे सम्पन्न हुंदा ईन्द्रावती गाउँपालीका, चौतारा साँगाचोकगढी नगरपालीका तथा मेलम्ची र अन्य पालिकाका नागरीकले सहज आवतजावत गर्न पाउनेछन् ।
उक्त कार्यको लागि शिद्वबाबा कन्स्ट्रक्सन प्राली शान्तिनगर ३१ काठमाडौंले २६ करोड ८२ लाख ९३ हजार २ सय साठीमा २ वर्षमा सम्पन्न गर्ने गरी ठेक्का सम्झौता गरेको छ ।
