रेडियाे मिसन ।
राष्ट्रिय सेवा दलको सर्वोत्कृष्ट पल्टन मेलम्चीमा रहेको मेलम्ची कम्युनिटी माध्यमिक विद्यालयले हात पारेको छ। राष्ट्रिय सेवा दल एनसीसीको सिट नं ५० औ ब्याजमा सहभागी भई मेलम्ची कम्युनिटी मावि सर्वोत्कृष्ट हुन सफल भएको हो। २०८१ साल असार १४ गतेदेखि सहभागी भएका एनसीसी टिमले २०८१ कार्तिक २५ गतेसम्म नेपाली सेनाको श्री राष्ट्रिय सेवा दल मध्यपूर्वी तालिम शिक्षालय बर्दिबासमा यही NCC मा सहभागी भएको थियो।
१६ वटा सहभागी विद्यालयमध्ये मेलम्ची कम्युनिटी मावि नमुना भनी बेस्ट अवार्ड प्राप्त गर्न सफल भएको विद्यालयका प्रधानाध्यापक दिनेश बस्नेतले जानकारी दिनुभयो । नैतिकवान, कर्तब्यनिष्ट, अनुशसित, मर्यादित र देशभक्त बनाउदै ३ महिनाको तालिम मा सहभागी भई विद्यालय उत्कृष्ट हुन सफल भएको उहाँले बताउनुभयो।
उत्कृष्ट क्याडेट अवार्ड पाएपछि २०८२ सालमा पनि विद्यालयले एनसीसी क्याडेट तालिम प्राप्त गर्ने प्रधानाध्यापक बस्नेतले जानकारी दिनुभएको छ। विद्यालयमा शैक्षिक गुणस्तरसँगसँगै विद्यार्थीहरूलाई अतिरिक्त क्रियाकलापमा पनि उत्तिकै महत्वका साथ सहभागी गराइरहेको उहाँले बताउनुभएको छ । विद्यालयको शैक्षिक नतिजा उत्कृष्ट हुनुका साथै अन्य क्रियाकलापमा पनि विद्यार्थीहरू उत्तिकै उत्कृष्ट रहेको बस्नेतले बताउनुभएको हो।
