नवलपुर,
इन्द्रावती गाउँपालिका वडा नं ४ मा खुल्ला रक्तदान कार्यक्रम गरिएकाे छ । नेपाली कांग्रेस इन्द्रावती ४ कार्यसमितिकाे अायाेजनामा नवलपुर प्राथमिक अस्पतालमा रक्तदान कार्यक्रम गरिएकाे हाे ।
नेपाल रेडक्रस साेसाइटी नवलपुर उपशाखाकाे सहयाेगमा रक्तदान कार्यक्रम गरिएकाे नेपाल रेडक्रस साेसाइटी केन्द्रीय सदस्य राजेन्द्रमान ताल्चाभडेलले जानकारी दिनुभयाे । आज भएकाे रक्तदान कार्यक्रममा ४५ जनाले रगतदान गरेका छन । भक्तपुर जिल्ला रेडक्रस साेसाइटी रक्तसन्चार केन्द्र काे प्राविधिक सहयाेगमा रक्तदान कार्यक्रम भएकाे इन्चार्ज श्रीकृष्ण प्रजापतीले जानकारी दिनुभयाे । रक्तदानकाे लागि आवस्यक सामाग्री भक्तपुर जिल्ला रेडक्रस साेसाइटी रक्तसन्चार केन्द्रले ल्याइएकाे प्रजापतीकाे भनाई छ ।
जननेता वी पी काेइरालाकाे ११० औँ जन्मजयन्तीकाे शुभ अवसरमा नेपाली कांग्रेस इन्द्रावती ४ द्वारा रक्तदानकाे आयाेजना गरिएकाे सभापती क्षेत्र बहादुर तामाङले जानकारी दिनुभयाे । नेपाली कांग्रेसले हरेक बर्ष भाद्र २४,२५ र २६ मा विपि जयन्ती मनाउँदै आएकाे छ । मानव सेवा गराै भनेर रक्तदान कार्यक्रम गरिएकाे तामाङले बताउनुभयाे । रक्तदान नै जिवनदान भएकाे भन्दै नेपाली कांग्रेसले यस्ता मानवसेवाका काम र सचेतनाका काम गर्दै जाने र विगतमा पनि गर्ने गरेकाे तामाङले जानकारी दिनुभयाे । रक्तदान पश्चात् वडा सभापती तामाङले प्रमाणपत्र बितरण गर्नुभएकाे थियाे ।
रक्तदान कार्यक्रममा ईन्द्रवती गाउँपालिकाका अध्यक्ष झम्कनाथ नेपाल, नेपाली कांग्रेसका महाधिवेशन प्रतिनिधि बिल बहादुर तामाङ, नेपाली कांग्रेसका नेता फुर्वा तामाङ, दया मिश्र, राधाकृष्ण श्रेष्ठ, समाजसेवी रामकृष्ण राज भण्डारी, नेपाली कांग्रेस इन्द्रावती ४ कार्यसमितिका प्रतिनिधिहरू लगायत स्थानियहरूकाे सहभागीता रहेकाे थियाे ।
