ज्यामिरे । शैक्षिक गुणस्तर अभिवृद्विको लागि लगानी गर्न मेलम्ची नगरपालिका तयार रहेको मेलम्ची नगरपालिकाका प्रमुख आइतमान तामाङले बताउनुभएको छ ।
शैक्षिक गुणस्तर अभिवृद्धिका लागि सरोकारवालाहरु संग मेलम्ची नगरपालिका वडा नं ९ मा भएको २ दिने अन्तरक्रियात्मक अभिमुखिकरण कार्यक्रमको समापन कार्यक्रम लाई आज सम्वोधन गर्दै प्रमुख अतिथि नगरप्रमुख तामाङले शैक्षिक गुणस्तर अभिवृद्विको लागि जहाँ बजेट आवस्यकता छ त्यहाँ लगानी गर्न आफु तयार रहेको बताउनुभयो ।
शैक्षिक गुणस्तर अभिवृद्विको लागि आफु निरन्तर खटिरहेको बताउँदै तामाङले शिक्षामा नगरपालिकाले यस बर्ष १० करोड लगानी गर्ने जानकारी दिनुभयो । विव्यस अध्यक्ष, प्रधानाध्यापक र वडा समिति बिच छलफल गरी नगरपालिकामा शैक्षिक क्षेत्र सुधारको लागी रकम माग गर्न गएमा २० लाख सम्म दिन सक्ने उहाँले प्रतिवद्वता ब्यतm गर्नुभयो ।
“शिक्षा होस त मेलम्ची नगरपालिकाको जस्तो होस भन्ने खालको शैक्षिक नीति बनाएर अघि बढ्नेछौँ । शिक्षकले आफुले पढाएको विद्यार्थीहरू कम्तीमा न्युनतम ७० प्रतिशत उत्तीर्ण हुन जरूरी छ”, नगरप्रमुख तामाङले भन्नुभयो “शिक्षकले पढाएका विद्यार्थीहरू कतीको ट्यालेन्ट छन त्यो पनि हेर्न जरूरी छ । शिक्षकको कार्यमुल्याङकनको आधारमा प्रोत्साहन गरिनेछ” ।
शैक्षिक क्षेत्रको आगामी योजना सुनाउँदै तामाङले यस बर्ष शिक्षकको दरबन्दि थप्दै १२, १३ जना शिक्षक करारमा राख्ने योजना रहेको बताउनुभयो । “निमावि र माविको लागि दरवन्दि थप्दै छौँ । भदौ बाट थप्ने योजना छ”, उहाँले भन्नुभयो । नगरभरको विद्यालयमा प्रधानाध्यापक हुनको लागि खुल्ला प्रतिस्पर्धा गर्ने नीति भदौ बाट नगरले लिने र प्रअको भत्ता पनि यसै बर्ष बाट बृद्वि गरिएको उहाँको भनाई छ । मेलम्ची नगरपालिकामा हाल ६२ वटा सामुदायिक विद्यालय रहेका छन ।
