रेडियो मिसन, मेलम्ची ।
नेकपा एकिकृत समाजवादी सिन्धुपाल्चोकले नयाँ नेतृत्व चयन गरेको छ । शनिवार भएको जिल्ला अधिवेशनबाट ७ जना पदाधिकारी सहित ८५ सदस्यीय कमिटि निमार्ण गरिएको नेकपा एसका जिल्ला कमिटि सदस्य रामभक्त दनुवारले जानकारी दिनुभयो ।
एसको जिल्ला अध्यक्षमा नवराज पौडेल, उपाध्यक्षमा छिरिङ ग्याल्बु लामा र अनिता लामा सचीवमा दीपक नेपाल चयन हुनुभएको त्यस्तै उपसचिवमा कुमार राज घतानी, नरेन्द्र खड्का र रवि भण्डारी चयन हुनुभएको हो । अधिवेशनको उद्घाटन केन्द्रिय अध्यक्ष माधव कुमार नेपालले गर्नुभएको थियो ।
उद्घाटन सत्रलाई सम्बोधन गर्दै अध्यक्ष नेपालले देश आर्थिक संकटमा पुगेको दावि गर्नुभएको छ । कार्यक्रममा नेकपा एसका स्थाई कमिटि सदस्य घनश्याम भुसाल,केन्द्रिय,प्रदेश र जिल्ला तहका नेता कार्यकर्ताको बाक्लो उपस्थिती रहेको थियो ।
