रेडियो मिसन, मेलम्ची ।
मानव बेचबिखन तथा लैंगिक हिँसा प्रभावित आन्तरिक तथा बाह्य आप्रवासी कामदार र जोखिममा रहेकाहरुको प्रमुख समस्या र आवश्यक सहयोग सम्बन्धी कार्यक्रम मेलम्चीमा सम्पन्न भएको छ । शान्ति फाउन्डेसन नेपालले आयोजनामा नगरप्रमुख आइतमान तामाङको प्रमुख आतिथ्यतामा आज मेलम्चीमा भएको हो ।
कार्यक्रममा महिला प्रज्जनन स्वास्थ्य, एच आई भी एड्स तथा महिला पाठेघरको मुखमा हुने क्यान्सरको उपचारमा पहुच, परामर्श, शिक्षा, औषधी उपचार, पौष्टिक आहार, बेचबिखन प्रभावित र उच्च जोखिममा रहेका महिला तथा किशोर किशोरीहरुको आर्थिक सशक्तीकरण, क्षमता बिकास लगायतका अन्य कार्यक्रम संचालन गर्ने बारे छलफल भएको छ ।
साथै मानव अधिकारका लागी वकालत र पैरवी गर्दै जोखिम न्यूनीकरण लागि अभियान संचालन गर्ने सम्बन्धमा अन्तरक्रिया तथा छलफल भएको नगरपालिकाले जनाएको छ ।
