रेडियो मिसन, क्यौरानी ।
मेलम्ची नगरपालिका ८ क्यौरानीमा रहेको जलवाइदेबी माध्यमिक विद्यालयले बुधवार आज ४९ औ वार्षिक उत्सव तथा २० औ अभिभावक दिवस मनाएको छ । बिद्यालय ब्यवस्थापन समिती अध्यक्ष रामशरण गिरीको सभापतित्व र मेलम्ची नगर पालिकाका प्रमुख अमाइतमान तामाङको प्रमुख आतिथ्यतामा कार्यक्रम सम्पन्न भएको हो ।
कार्यक्रममा प्रमुख अतिथी तामाङले बिद्यालयमा दरबन्दीका शिक्षक आवश्यक रहेको भन्दै नगरपालिकाबाट दरबन्दि माग गरेको र प्रदेश र संघबाट अनुकुल मिलाएर यस विद्यालयमा पठाउने प्रतिबद्धता ब्यक्त गर्नुभयो । विद्यालयमा आवश्यक ल्याव, पुस्तकालय लगायतका सामाग्रीहरु उपलब्ध गराउने कुरामा आफु सकारात्म रहेको बताउँदै नगरपालिकाले आन्तरीक स्रोतबाट कक्षा ८ सम्मका विद्यार्थीलाई खाजा उपलब्ध गराएको जसबाट दिवा खाजालाई प्रभावकारी बनाउनका मद्दत पुगिरहेको उल्लेख गर्नुभयो । छात्राहरुलाई लक्षित गरी सेनिटरि प्याड डिस्पोज गर्ने मेसिन विद्यालयमा उपलब्ध गराउने प्रतिबद्धता ब्यक्त गर्नुभयो ।
कार्यक्रममा विषेश अतिथि वडा नम्बर ८ का वडा अध्यक्ष जित बहादुर तामाङले शिक्षालाई सिप सँग जोड्का लागि वडाले विभिन्न योजनाहरु बनाएको बताउनुभयो । उहाँले पछि जुनसुकै क्षेत्रमा काम गरे पनि बिद्यालयबाट सुरु हुने भएकाले विद्यार्थीको पठन पाठनमा अबिभावकहरुले ध्यान दिन आग्रह गर्नुभयो ।
कार्यक्रममा कक्षामा तथा बिभिन्न अतिरिक्त क्रियाकलापमा उत्कृष्ठ भएका बिद्यार्थीहरुलाई पुरष्कार बितरण गरिनुका साथै पूर्व प्रधानध्यापकहरुलाई सम्मान पनि गरिएको छ ।
९ नम्बर वडाका अध्यक्ष किरण दिप खड्का, वडा नम्बर ८ का वडा सदस्यहरु, बिभिन्न संघ सँस्थाका प्रतिनिधी, समाजसेवी, राजनीतिक दलका प्रतिनिधी, शिक्षक, अभिभावक, बिद्यार्थी लगायतको उपस्थिती रहेको कार्यक्रममा बिद्यार्थीहरुले बिभिन्न साँस्कृतिक प्रस्तुतीका माध्यामबाट मनोरञ्जन प्रदान गरेका थिए ।
