रबिन दनुवार, नवलपुर ।
जिल्ला समन्वय समितिले नव निर्मित वडा कार्यलय भवनको अनुगमन गरेको छ । इन्द्रावती गाउँपालिकामा पालिका र समितिको लागत साझेदारीमा निर्मित वडा कार्यलय भवनहरुको जि.स.स. प्रमुख बालकृष्ण श्रेष्ठ सहितको टोलीले भवनको अनुगमन गरिएको हो।
जिल्ला समन्वय समितिले भवन निर्माणको लागि तीन करोड बजेट विनियोजन गरेको थियो। भवनको संरचनाको काम सम्पन्न भइसकेको गाउँपालिकाका इन्जिनियर राजाराम घोरासैनिले बताउनुभयो । पालिकामा जि.स.स.को साझेदारीमा ६,९ र ११ नम्बर वडाकार्यलय भवन निर्माण भएको घोरासैनिले बताउनुभयो ।
अनुगमनमा जिल्ला समन्वय समिति प्रमुख बालकृष्ण श्रेष्ठ, उपप्रमुख पदम नाथ नेपाल सदस्यहरु बिक्रम तामाङ, बलराम केसी, जिल्ला समन्वय अधिकारी गोमा देवी ढकाल र लेखा पाल कुशल अधिकारी उपस्थिति रहेको थियो ।
