हेलम्बु ,
बाढीले निरन्तर कटान गरेपछि हेलम्बुकाे सरस्वती मा.विले आकस्मिक वैठक गरेकाे छ । मेलम्ची खोलामा निरन्तर आएको बाढिको कारण अति जोखिम अवस्था पुगेको श्री सरस्वती मा.बि, ग्याल्थुमले विद्यालयलाई तत्काल कसरी सुरक्षित राख्न सकिन्छ भन्ने विषयमा छलफल गर्न बैठक गरेकाे हाे ।
बागमती प्रदेश सभा सदस्य कृष्ण कुमार तामाङ (समीर), हेलम्बु गाउँपालिका उपाध्यक्ष अप्सरा लामिछाने, हेलम्बु-४ का वडा अध्यक्ष बुद्विमान तामाङ, विद्यालय व्यवस्थापन समितिका पदाधिकारी, सुरक्षाकर्मि, राजनीतिक दलका प्रतिनिधि, समाजसेवी तथा स्थानियवासिहरुकाे उपस्थितिमा विद्यालयलाई तत्काल कसरी सुरक्षीत राख्न सकिन्छ भन्ने विषयमा छलफल भएकाे सांसद तामाङका स्वकिय सचिव विशाल राउतले जानकारी दिनुभयो ।
उक्त आकस्मिक बैठकमा प्रदेश सभा सदस्य कृष्ण कुमार तामाङले आफै अध्ययन गरेको विद्यालय बाढिका कारण अति जोखिम भएकाेमा दुख व्यक्त गर्नुभयाे । विद्यालयलाई जोगाउन सबै मिलि एकजुट हुनुकाे विकल्प नभएकाे उहाँकाे भनाई छ । सांसद तामाङले प्रदेश बिपद्कोषबाट विद्यालय र बस्ती जोगाउनको लागी तत्काल आवश्यक पर्ने रकम विनियोजन गर्नको लागि आफु निरन्तर प्रदेशको आर्थिक मामीला तथा योजना मन्त्री सँंग समन्वय गरिरहेको जानकारी गराउनुभयो ।
स्थानियस्तरको बिपद समितीको बैठक बसि तुरुन्तै प्रदेश सरकारलाई रकम बिनियोजन गर्नको लागि सिफारिस गर्न समेत स्थानिय सरकारलाई उहाँले आग्रह गर्नुभएकाे छ । छलफलमा विद्यालयका प्रतिनिधिहरूले विद्यालय जाेगाइदिन सरकारलाई आग्रह गरेका छन ।
