रेडियो मिसन, हेलम्बु ।
चौथो हेलम्बु गाउँपालिका स्तरीय फुटबल उपाधि हेलम्बु ५ ले हात पारेको छ । आज भएको फाइनलमा आयोजक न्यु राइजिङ युवा क्लवलाई पराजित गर्दै र हेलम्बु ५ ले उपाधिमाथि कब्जा जमाएको हो। प्रतियोगितामा प्रथम स्थान हासिल गरेको हेलम्बु ५ ले १ लाख दोस्रोले ५० हजार पुरस्कार प्राप्त गरेको न्यु राइजिङ युवा क्लबका संस्थापक अध्यक्ष साङ्गे दोङ तामाङले जानकारी दिनुभयो ।
विजेता टोलीलाई गाउपालिका अध्यक्ष निमा ग्याल्जेन शेर्पाले पुरस्कार वितरण गर्नुभएको थियो । उहाँले खेलक्षेत्रको विकासका लागी र नयाँ खेलाडी उत्पादनका लागि गाउँपालिकाले खेल क्षेत्रमा लगानी गरिरहेको बताउनुभयो ।
सोनाम ल्होछारको अवसरमा आयोजित प्रतियोगितामा आज विभिन्न राष्ट्रिय स्तरका ख्याति प्राप्त कलाकारहरु नवराज घोरासैनी, संगम लामिछाने, हास्य कलाकार सुबोध गौतम लगायतले आफ्नो प्रस्तुती प्रस्तुत गर्नुभएको थियो ।
