रेडियो मिसन, नवलपुर ।
इन्द्रावती ५ का कुमार आचार्य उत्कृष्ट युवा तथा महिला किसान कार्यक्रमबाट सम्मानित हुनुभएको छ । बानेश्वरको अर्याल होटेलमा उदार स्वयंसेवक आवद्ध सामाजिक संस्था नेपालद्वारा आयोजित एक कार्यक्रमबीच आचार्य सम्मानित हुनुभएको हो ।
पूर्व प्रधानमन्त्री माधव कुमार नेपाल प्रमुख अतिथि रहनुभएको उक्त कार्यक्रममा विभिन्न जिल्लाका ५० जना युवाहरु सम्मानित भएका छन् । आचार्यले इन्द्रावती ५ मा मिश्रित पशुपालन तथा कृषि फार्म सञ्चालन गर्दै आइरहनुभएको छ ।
उहाँले सिताके च्याउ, गाईपालन, कागती खेती, आलुखेती लगायत कृषि सम्बन्धि काम गर्दै आइरहनुभएको छ । आचार्यलाई उत्कृष्ट युवा उद्यमीको सम्मान दिइएको हो ।
