अर्जुन बि.क, सिपाघाट ।
काभ्रेको मण्डनदेउपुर नगरपालिका वडा नम्बर ६ सिपाघाटमा रहेको देउपुर बचत तथा ऋण सहकारी संस्था लिमिटेडको १२ औं बार्षिक साधारण सभा तथा अधिवेशन सम्पन्न भएको छ ।
कार्यक्रमलाई सम्बोधद गर्दै प्रमुख अतिथि मण्डनदेउपुर नगरपालिकाका नगरप्रमुख टोक बहादुर वाइबाले ग्रामीण भेग बस्तीमा बसोबास गर्ने तथा कृषि र पशुपालनको क्षेत्रमा आवद्ध समेत भएको हुँदा सहाकारि संस्थाले आफ्नो कारोबार ग्रामीण भेगको कृषि र पसुपालन व्यवसायको क्षेत्रमा समेत लगानी गरि सेयर सदस्यहरुको आर्थिक अन्नतिमा सहयोग पुर्याईरहेको बताउनुभयो । उहाँले सदस्यहरुलाई अझै सक्रिय रुपमा सहकारीलाई अगाडि बढाउन आग्रह पनि गर्नुभयो ।
कार्यक्रमका विशेष अतिथि नगर उपप्रमुख बिष्णुमणि नेपालले आफ्नो प्रगतिको यथोचित समिक्षा गरि आउने दिनमा अझ गुणस्तरीय सेवा प्रदान गर्दै सदस्यहरुको अर्थिक सामाजिक र सांस्कृतिक बिकास अग्रणि भुमिका खेल्न सहकारी सफल रहन सकोस भन्दै शुभकामना व्यक्त गर्नुभयो ।
चालु आर्थिक बर्षमा कुल शेयर पुजीँ ११ करोड ९ लाख २१ हजार १ सय ६३ रुपैया रहेको सहकारीले जनाएको छ ।
यसैबिच अधिवेशनबाट माधव प्रसाद न्यौपानेको अध्यक्षतामा ७ सदस्सीय समिति समेत गठन गरेको छ । समितिको उपाध्यक्षमा बुनु विद्याधर, सचिव चन्द्रकान्त न्यौपाने र कोषाध्यक्ष कमल प्रसाद दुलाल चयन हुनुभएको छ ।
