मेलम्ची ।
२०७९ सालको विजया दशमी, दीपावली तथा छठ पर्वको उपलक्ष्यमा नेपाली कांग्रेस मेलम्ची नगर कार्यसमिति द्वारा आयोजित शुभकामना आदानप्रदान तथा चियापान कार्यक्रम मेलम्चीमा सम्पन्न भएको छ ।
नेपाली कांग्रेसका केन्द्रीय सदस्य तथा पुर्व मन्त्री मोहन बहादुर बस्नेतको प्रमुख आतिथ्यतामा कार्यक्रम भएको हो । कार्यक्रमको सभापतीत्व नगर सभापती वसन्त गुरूङले गर्नुभएको थियो ।
कार्यक्रममा मन्तब्य राख्दै केन्द्रीय सदस्य बस्नेतले अब कांग्रेस कमजोर बनाउन कसैको औकात नपुग्ने धारणा राख्नुभयो । सबै नेता तथा कार्यकर्ताको खटाईले कांग्रेस सिन्धुपाल्चोकमा पहिलो पार्टी भएको उहाँले बताउनुभयो । सिन्धुपाल्चोकमा कांग्रेस एकल चुनाव जित्न सामर्थ्य राख्ने समेत उहाँको भनाई थियो । यस पटक संघ र प्रदेशमा समेत कांग्रेसलाई एक नम्बर बनाउने उहाँले दावि गर्नुभयो ।
त्यस्तै कार्यक्रममा मन्तब्य राख्दै पुर्व केन्द्रीय सदस्य बिष्णुबिक्रम थापाले कांग्रेस जिताउनको लागि एकताबद्व ढंगले लाग्नुपर्ने धनरणा राख्नुभएको थियो ।
कार्यक्रममा कांग्रेसका पुर्व केन्द्रीय सदस्य बिष्णु बिक्रम थापा, जिल्ला सभापती जंग बहादुर लामा, कांग्रेस प्रवक्ता नवराज भट्टराई, जिल्ला सदस्यहरू, नगर प्रतिनिधि लगायतको उपस्थिति रहेको नगर सचिव सुशान्त सिग्देलले जानकारी दिनुभयो ।
कार्यक्रमको सञ्चालन नगर सचिव निश्चल गिरिले गर्नुभएको थियो ।
