सिन्धुपाल्चाेक जिल्लाकाे त्रिपुरासुन्दरी गाउँपालिकामा भोलिदेखि उद्घाटन सप्ताह सुरु हुँदैछ। पालिकामा निर्माण भएका वडा कार्यालय स्वास्थ्य कार्यालयका भवन मोटरेबल पुल र गाउँपालिकाको प्रशासकीय भवनको उद्घाटन हुनेछ ।
वडा नम्बर १ मा डामा यो बर्थिङ सेन्टर र सीएचयुको लागि बनाएको भवन उद्घाटन हुनेछ । २० गते दुई नम्बर वडामा स्वास्थ्य स्वास्थ्य कार्यालयको भवन उद्घाटन हुनेछ। २१ गते तीन नम्बर वडामा स्वास्थ्य कार्यालयको भवन उद्घाटन हुनेछ। २२ गते वडा नम्बर ३ मा रहेको मोटरेबल पुलको उद्घाटन हुनेछ। २३ गते ६ नम्बरकाे टेकानपुरमा स्वास्थ्य कार्यालयको भवन उद्घाटन हुनेछ। वडामा २४ गते वडा नम्बर ५ मा रहेको स्वास्थ्य चौकी भवन उद्घाटन हुनेछ। २५ गते त्रिपुरा सुन्दरी गाउँपालिकाको प्रशासनिक भवनको उद्घाटन गरिनेछ।
चैत महिनासम्म वडा नम्बर १ र २ को वडा कार्यालय भवन उद्घाटन हुनेछ। वडा नम्बर ३ को वडा कार्यालय र वडा नम्बर ४ मा स्वास्थ्य कार्यालयको भवन उद्घाटन हुनेछ। यस अघि वडा नम्बर ५ र ६ को वडा कार्यालय भवन उद्घाटन भइसकेको छ। यो वर्षभित्रमा वडा कार्यालयहरू स्वास्थ्य कार्यालयका भवनहरू र गाउँपालिकाको प्रशासकीय भवनको सेवा सबै आफ्नै कार्यालयबाट हुने गाउँपालिकाका अध्यक्ष भक्तध्वज बोहराले जानकारी दिनुभयो ।
तावी खोला र सुनकोशी खोलामा पनि मोटरेबल निर्माणको काम सुरु भएको छ। यी दुईवटा पुल वडा कार्यालय स्वास्थ्य कार्यालयको भवन र विद्यालयका भौतिक संरचना पूर्ण रुपमा सम्पन्न गर्ने उहाँले अध्यक्ष बोहराले जानकारी दिनुभयो ।
