ईन्द्रावती गाँउपालिकाबाट माध्यमिक शिक्षा परीक्षा SEE मा सहभागिमध्ये उत्कृष्ट नतिजा ल्याउने विद्यार्थीलाई गाँउपालिकाले सम्मान गरेको छ । आज गाउँ सभाको दोस्रो बैठकमा विद्यार्थीहरुलाई नगद सहीत सम्मान गरीएको हो ।
सम्मानित हुनेमा श्री सिंहमति माध्यमिक विद्यालयबाट ३.५३ जिपिए ल्याउने राजन तामाङ र श्री चण्डेश्वरी माध्यमिक विद्यालयबाट ३.५० जिपिए ल्याउने गिता तोलाङ्गे रहनुभएको छ । दुवैजनालाई सम्मानपत्रकाे साथमा २५ हजार नगद पुरस्कार दिईएको छ ।
गाँउपालिकाले प्रोत्साहन स्वरुप विद्यार्थीहरुको हौसला बढाउनको लागि सम्मान गरेको जनाएको छ । अघिल्लो गांउसभामा ८ कक्षामा उत्कृष्ट नतिजा ल्याउने राजेश्वरी माविका २ जना वद्यिार्थीलाई सम्मान गरीएको शिक्षा युवा तथा खेलकुद शाखा प्रमुख मिन बहादुर धामिले जानकारी दिनुभयो । राजेश्वरी माध्यमिक विद्यालयबाट रञ्जित मग्रान्ति र रूपा भेटुवाल कक्षा ८ को परीक्षाा पालिकाभरीमा उत्कृष्ट हुनुभएको थियो ।
आज माध्यमिक शिक्षा परीक्षा मा उत्कृष्ट नतिजा ल्याउनेहरुलाई वडा नम्बर २ का अध्यक्ष श्याम बहादुर गिरीले व्यक्तिगत रुपमा नगद सहयोग गर्नुभएको थियो ।
