रेडियो मिसन ।
इन्द्रावती गाउँपालिकाकले यस आर्थिक वर्ष समग्रमा ८२ दशमलव २७ प्रतिशत खर्च गरेको छ । आर्थिक वर्ष २०८०/०८१ को स्वीकृत कुल वार्षिक योजना तथा कार्यक्रम एवं बजेट ८५ करोड १० लाख ९५ हजार रुपैयाँ मध्ये ७० करोड २ लाख ६५ हजार रुपैया खर्च गरेको हो । जसमा पुँजीगत तर्फ २७ करोड ८९ लाख (८५.४९%) र चालु तर्फ ४२ करोड १३ लाख ६० हजार (८०.८८%) खर्च भएको गाउँपालिकाले एक बिज्ञप्ति मार्फत जानकारी गराएको छ ।
साथै गाउँपालिकाबाट हुने सबै प्रकारका भुक्तानी निकासा बन्द गरेको पनि बिज्ञप्ति मार्फत जानकारी गराएको छ । आर्थिक कार्यविधि तथा वित्तीय उत्तरदायित्व नियमावली, २०७७ को नियम ३० को उपनियम (१) मा आर्थिक वर्ष अन्त्य हुनुभन्दा कम्तीमा ७ (सात) दिन अगावै भुक्तानी दिई निकासा र खर्चको लेखा अद्यावधिक गरी भुक्तानी निकासा बन्द गर्नु पर्नेछ भन्ने कानूनी व्यवस्था बमोजिम आज मिति २०८१ असार २४ गते देखि भुक्तानी निकासा बन्द गरिएको गाउँपालिकाका प्रमुख प्रशासकीय अधिकृत पूर्ण प्रसाद दुलालले जानकारी दिनुभयो ।
