नेकपा माओवादी केन्द्र मेलम्ची नगरपालिका वडा नम्बर ११ को वडा कमिटि अध्यक्षमा प्रेमबहादुर तामाङ निर्वाचित हुनुभएको छ ।
आज भएको दोस्रो वडा सम्मेलनबाट अध्यक्षमा तामाङ सहित उपाध्यक्षमा शालिगराम दुलाल, सचीवमा उद्धव चालिसे, सहसचिवमा शिवसरण श्रेष्ठ र कोषाध्यक्षमा सर्मिला सापकोटा सहित २९ सदस्यीय कमिटि गठन गरिएको अनेरास्ववियु क्रान्तिकारीका केन्द्रिय सदस्य तोकबहादुर तामाङले जानकारी दिनुभयो ।
सिन्धुपाल्चोक क्षेत्र नम्बर १ का सांसद तथा नेकपा माओवादी केन्द्रका केन्द्रिय सदस्य माधव सापकोटा सुवोधको प्रमुख आतिथ्य तथा चन्द्रबहादुर थापा किशोरको विशेष आतिथ्यमा भएको सम्मेलनबाट निर्वाचित कमिटिलाई सांसद सापकोटाले सपथ खुवानुभएको हो ।
