रेडियो मिसन ।
जिल्ला स्तरीय शिक्षक भलिबल प्रतियोगितामा मेलम्ची नगरपालिका र इन्द्रावती गाउँपालिका सेमिफाइनलमा प्रवेश गरेको छ । आज भएको पहिलो क्वाटरफाइनलमा बलेफी गाउँपालिकालाई सोझो सेटमा पराजित गर्दै मेलम्ची नगरपालिका सेमिफाइनल प्रबेश गरेको हो ।
त्यस्तै दोश्रो क्वाटरफाइनलमा सुनकोशी गाउँपालिकालाई सोझो सेटमा पराजित गर्दै इन्द्रावती गाउँपालिका पनि सेमिफाइनलमा पुगेको छ । भोलि हुने तेस्रो क्वाटरफाइनल खेलमा हेलम्बु र जुगल तथा चौथोमा पाँचपोखरी ए र चौतारा साँगाचोक गढी नगरपालिका भिड्ने छन ।
पाँचपोखरी थाङपाल गाउँपालिका शिक्षा, युवा तथा खेलकुद शाखाले आयोजना गरेको प्रतियोगिता आज गाउँपालिका अध्यक्ष टासी लामाले थाङपाल भ्याली माध्यमिक विद्यालयमा उद्घाटन गर्नुभएको हो ।
प्रतियोगितामा जिल्लाका ८ पालिकाका ९ टिम सहभागी रहेको पाँचपोखरी खेलकुद विकास समितिका संयोजक ग्याल्बो साम्देनले जानकारी दिनुभयो ।
प्रतियोगितामा पाँचपोखरी थाङपाल गाउँपालिकाका २ टिम, मेलम्ची नगरपालिका, इन्द्रावती गाउँपालिका, चौतारा सागाँचोकगढि नगरपालिका, जुगल गाउँपालिका, बलेफी गाउँपालिका, हेलम्बु गाउँपालिका, सुनकोशी गाउँपालिकाको सहभागीता रहेको छ । प्रतियोगितामा पहिलो, दोश्रो र तेस्रो हुनेले क्रमश स् ५० हजार, ३० हजार र २० हजार नगद र शिल्ड, मेडल प्राप्त गर्ने छन ।
