“स्वास्थ्यको लागि खेल, राष्ट्रको लागि खेल” भन्ने मुल उदेश्यका साथ भएको प्रथम इन्डाे भारत/नेपाल वादो काई कराँते प्रतियोगिता सम्पन्न भएको छ । वादो काई कराँते संघका केन्द्रीय अध्यक्ष एवम मेलम्ची नगरपालिका प्रमुख श्री आइतमान तामाङको प्रमुख आतिथ्यमा काठमाडौको टोखा नगरपालिकामा कार्यक्रम भएको हो ।
कार्यक्रमका प्रमुख अतिथी तथा मेलम्ची नगर प्रमुख आइतमान तामाङले आफु पनि खेल क्षेत्रबाट नै आएको बताउनुभयो । खेलले स्वास्थ राख्नुका साथैै अनुसासन बढाउने उहाँले बताउनुभयो । नगर प्रमुख तामाङले खेल संगसंगै शिक्षा क्षेत्रलाई पनि संगसंगै लैजानुपर्नेमा जोड दिनुभयो । आफ्नो नगरपालिकाले खेल प्रशिक्षक नियुक्त गरीसकेको जानकारी दिनुभयो । टोखा नगरपालिकाले पनि खेल क्षेत्रको विकासमा काम गर्ने विश्वास व्यक्त गर्नुभयो । टोखा नगरपालिकाका खेलाडीहरुलाई नगरपालिकाले आयोजना गर्ने मेयरकपमा सहभागि हुन आग्रह गर्नुभयो । राष्ट्रीय तथा अन्तराष्ट्रीय स्तरसम्म जान सक्ने खेलाडी उत्पादनमा जोड दिनुपर्ने उहाँको भनाई थियो । वादो काई कराँते संघबाट देशभरी नै सहभागि पठाई वादो काई कराँतेलाई देशव्यापी बनाउनुपर्नेमा नगर प्रमुख तथा केन्द्रीय अध्यक्ष तामाङले जोड दिनुभयो ।
सुर्यदर्शन युवा क्लव टोखाको आयोजना तथा टोखा नगरपालिकाको आर्थिक सहयोगमा भएको प्रतियोगिता कार्यक्रममा टोखा नगरपालिकाका उपप्रमुख श्री मुरारी तामाङ, वडा नम्बर ७ का वडाध्यक्ष नरोत्तम राणा, वडा नम्बर ३ का वडाध्यक्ष रमेश डंगोल , अन्तरास्ट्रिय स्तरका कराँते खेलाडी, प्रशिक्षक, रेफ्री लगाएतको सहभागिता रहेको थियो ।
