कर्मचारी मिलन केन्द्र सिन्धुपाल्चोकले गणतन्त्र दिवस २०८१ को अवसरमा आयोजना गरेकाे मैत्रीपूर्ण फुटबल प्रतियोगितामा बैंक तथा वित्तीय संस्थाका कर्मचारीको टिम प्रथम भएकाे छ ।
१७ औं गणतन्त्र दिवशकाे खुसीयालीमा मिलन केन्द्रले आयोजना गरेकाे मैत्रीपूर्ण फुटबल प्रतियोगितामा संघ, प्रदेश, स्थानीय तहकाे कर्मचारी, पत्रकार र बैंक तथा बित्तिय संस्थाका कर्मचारी गरि ५ वटा टिमकाे सहभागिता रहेकाे थियाे ।
प्रतियोगिताको फाइनलमा स्थानीय तहका कर्मचारीलाई ० का बिरुद्ध २ गाेलले हराउँदै वित्तीय संस्थाका कर्मचारीकाे टिम प्रथम भएकाे हाे।
प्रतियोगितामा बिजेता र उपबिजेता खेलाडीहरुलाई निमित्त प्रमुख जिल्ला अधिकारी जीतबहादुर भण्डारीले शिल्ड र मेडल प्रदान गर्नुभएकाे थियाे ।
सिन्धुपाल्चोक जिल्लाकाे सदरमुकाम चौताराको टुँडिखेलमा भएको प्रतियोगिता नियमित खेल्ने खेलाडीहरुकाे भन्दा फरक थियाे । हारजीतकाे सवाल नभई एक आपसमा सामिप्यता र भावनात्मक एकताको लागि मैत्रीपुर्ण फुटबलको आयाेजना गरिएको कर्मचारी मिलन केन्द्रका अध्यक्ष विश्वनाथ काफ्लेले बताउनुभयाे ।
स्मरण रहाेस् मिलन केन्द्रले हरेक बर्षकाे गणतन्त्र दिवशमा भिन्न भिन्न रचनात्मक कार्यक्रमहरु गर्दै आइरहेकाे छ ।
