ईलाका प्रहरी कार्यालय मेलम्चीले चोरीको मोटरसाईकल सम्बन्धित धनिलाई बुझाएको छ । मेलम्ची बजारमा बेवारीसे फेला परेको मोटरसाईकल बुझाईएको ईलाका प्रहरी कार्यालय मेलम्चीले जनाएको छ ।
२०७९ असार २ गते काठमाण्डौ जिल्ला काठमाण्डौ महानगरपालीका वडा न.३ गोकर्णेश्वरबाट हराएको मोटर साईकल सम्बन्धित धनिलाई बुझाईएको ईलाका प्रहरी कार्यालय मेलम्चीका प्रमुख प्रहरी निरीक्षक उत्तमसिंह भण्डारीले जानकारी दीनुभयो ।
च्यासिस नं. ः MD2A11CY6KPG34980, इन्जिन नं. DHYRKG90924 उल्लेख भएको बागमती प्रदेश –०२–०१५ प १६८० नं. को १५० सि.सि. को कालो रातो रङको पल्सर मोटरसाईकल फेला पारी आवश्यक कानुनी प्रक्रिया पुर्याई सम्बन्धित सवारी धनी काठमाण्डौ जिल्ला काठमाण्डौ महानगरपालीका वडा नं. ०३ गोकर्णेश्वर बस्ने दिर्जा बहादुर घलानलाई बुझाईएको ईलाका प्रहरी कार्यालय मेलम्चीले जनाएको छ ।
चेकिङ गर्ने क्रममा बाइक छोडेर भागेपछि नियन्त्रणमा लिएर अनुसन्धान गर्दा चोरीको भन्ने खुलेपछि सवारी धनीलाई पत्ता लगाएर बुझाइएको भण्डारीको भनाई छ ।मेलम्ची क्षेत्रमा चोरीको मोटरसाईकल धेरै आउने गरेकाले प्रहरीले सक्रियता बढाएको छ ।
