मेलम्ची नगरपालीका वडा नम्बर ६ को तालामाराङमा तिज विशेष तथा दर कार्यक्रम सम्पन्न भएको छ । सुर्यमुखी सक्रिय महिला विकास समुहद्वारा सो कार्याक्रम आयोजना गरीएको हो ।
कार्यक्रमको अवसरमा बोल्दै मेलम्ची नगरपालीकाका प्रमुख तथा कार्यक्रमका प्रमुख अतिथी आइतमान तामाङले “नारीहरुको पर्वलाई हामीले सम्मान गर्नुपर्छ र गर्ने गरेका पनि छौं । त्यसैको एक उदाहरण हो तीज जुन नेपाली नारीहरुको एक मौलिक सांस्कृतिक पर्व हो” उहाँले भन्नुभएको छ ।
तिज पर्वको पुर्वसन्ध्यामा आज सुर्यमुखी सक्रिय महिला विकास समुहद्वारा आयोजित “विशेष तथा दार कार्यक्रम” मा नगर प्रमुख आइतमान तामाङ, उपप्रमुख उमा प्रधान, निवर्तमान उपप्रमुख भगवती नेपाल, नगर प्रमुखका प्रत्याशी उम्मेदवार तथा नेकपा एमाले बागमती प्रदेश कमिटी सदस्य बालकृष्ण देउजा, वडाध्यक्ष प्रेम बहादुर तामाङ लगायतको उपस्थितिमा हर्षोल्लाका साथ बधाई तथा शुभकामना आदानप्रदान कार्यक्रम सम्पन्न भएको हो ।
चर्चित कलाकारहरुको बेजोड प्रस्तुति रहेको उक्त कार्यक्रममा थप रोमान्चकता थपेको थियो । प्राचीन र सनातन धर्म,संस्कृति र परम्पराको सम्बर्द्धनको रुपमा रहेको नारीहरुको महान् पर्व तीज आत्मीयता र उल्लासमय बनाउन विभिन्न संघसंस्थाले यस्ता खाले कार्यक्रम गररिहेका छन् ।
