सिन्धुपाल्चोक, मेलम्ची नगरपालिका ६ तालामाराङ स्थित श्री तेर्से माध्यमिक विद्यालयको ३३ औ वार्षिकोत्सवको अवसरमा मेलम्ची नगरपालिका र हेलम्बु गाउँपालिका स्तरीय अन्तर विद्यालय शिक्षक भलिबल प्रतियोगिता आज (शनिबार) तेर्से मा.वि. तालामाराङको प्राङ्गणमा उद्घाटन भएको छ ।
टीम नेपालका अध्यक्ष एवम् विद्यालय व्यवस्थापन समितिका पुर्व अध्यक्ष निलबहादुर शाहीले एक कार्यक्रमका बीच खेलको उद्घाटन गर्नुभएकाे हाे। हेलम्बु गाउँपालिका र मेलम्ची नगरपालिका भित्रका ११ वटा विद्यालयहरूको सहभागिता रहेको प्रतियोगिताको पहिलो खेल आयोजक तेर्से मा.वि. र जनजागृति मावि मेलम्ची ११ बीच भएको छ ।
कार्यक्रममा मेलम्ची नगरपालिका वडा नं. ६ का वडाध्यक्ष प्रेमबहादुर तामाङ, मेलम्ची नगरपालिका शिक्षा शाखाका प्रतिनिधि सुनिल भण्डारी लगायत विभिन्न विद्यालयका प्रधानाध्यापकहरू समेतको आतिथ्यता रहेको थियो ।
खेल आइतबार सम्म चल्नेछ । २२ गते वडा स्तरीय विविध प्रतियोगिता सञ्चालन हुनेछ भने २५ गते मेलम्ची नगरपालिका प्रमुख आइतमान तामाङको प्रमुख आतिथ्यता वार्षिकोत्सव विशेष बृहद् कार्यक्रम हुने विद्यालयले जनाएको छ ।
