रेडियो मिसन ।
थाङ्पालधाप साना किसान कृषि सहकारी संस्थाको पाँचौ साधारणसभा पाँचपोखरी थाङ्पाल गाउँपालिका वडा नम्बर ६ धापमा सम्पन्न भएको छ । कार्यक्रमकी प्रमुख अतिथि एवं बागमती प्रदेशकी उप सभामुख अप्सरा चापागाईंले हाल देशमा २९ हजार ८८६ वटा सहकारी देशमा सक्रिय रहेको बताउँदै थाङ्पालधाप साना किसान कृषि सहकारी संस्थाले गरेको कामले खुशि लागेको बताउनुभयो ।
हामीले हाम्रो लागी र हामि द्वारानै संचालित हुनेभएकाले पनि सहकारी संस्थाको लोकप्रियता रहेको उहाँले बताउनुभयो । उप सभामुख चापागाईंले राज्यको ३ खम्बे अर्थनीति अनुसार सहकारी पनि एउटा खम्बा भएकाले समुदायमा आधारित कार्यक्रमहरु संचालन गर्नका लागी र समुदायलाई समृद्ध बनाउनका लागी सहकारीको भुमिका महत्त्वपूर्ण हुने बताउनुभयो ।
कार्यक्रममा गाउँपालिकाकी उपाध्यक्ष सुनिता अधिकारीले पालिकामा ४२ वटा सहकारी संस्था रहेको उल्लेख गर्दै थाङ्पालधाप सहकारीले गरेका गतिविधिले आर्थिक उपार्जनका क्षेत्रमा गरेको काम प्रशंसा योग्य रहेको बताउनुभयो । उहाँले गाउँपालिकाले करिव १ करोड रुपैयाँ चक्रीय पुँजी सहकारीमा लगानी गरेको उल्लेख गर्दै अझैपनि योजनाका साथ आउने किसानहरुलाई सहयोग गर्न पालिका तयार रहेको बताउनुभयो ।
कार्यक्रममा समाजसेवी एवम् नेकपा एमालेका नेता हस्त पण्डितले गाउँ गाउँमा रोजगारी तथा अवसर सिर्जना हुन सक्ने थुप्रै संभावना रहेकाले गाउँमै रोजगारी सिर्जना गर्नका लागी सहकारीले महत्त्वपूर्ण भुमिका खेल्नपर्नेमा जोड दिनुभयो ।
सहकारीका पुर्व अध्यक्ष शिशिर वाइबाले सहकारी संस्था भनेको स्वायत्त संस्था भएकाले सामाजिक र आर्थिक जिवनमा समृद्धि ल्याउनका लागी सहकारीको भुमिका महत्त्वपूर्ण हुने बताउनुभयो । उहाँले सहकारीका सदस्यहरु इलमी, ब्यबशायि बन्नुपर्ने भएकाले सहकारीले आवश्यक तालीम तथा सिपको विकास गर्दै आर्थिक हिसाबले सहयोग गर्न सहकारी तयार रहेको उद्घोष गर्नुभयो ।
कार्यक्रममा संस्थाको आगामी कार्यक्रम सहकारीका अध्यक्ष बाबुराम पौडेलले प्रस्तुत गर्नुभएको थियो भने आर्थिक प्रतिवेदन सहकारीकी प्रबन्धक प्रतिज्ञा भट्टराईले प्रस्ततु गर्नुभएको थियो ।
६३५ शेयर सदस्य रहेको सहकारीको शेयर रकम ४ करोड ९६ लाख ६ हजार रहेको छ । सहकारीको बचतमा १ करोड ९७ लाख ६० हजार रुपैयाँ रहेको छ । १२३ वटा समुह रहेको सहकारीको १० वटा अन्तरसमुह रहेको छ ।
कार्यक्रममा असल ऋणि,असल बचतकर्ता, बाल बचत लगायतलाई सम्मान गरिएको थियो भने शेयर लाभांस वितरण गरिएको थियो । कार्यक्रममा वडा अध्यक्ष नारायण भट्टराई,सुर्यबहादुर अधिकारी, सहकारी शाखाका प्रमुख धुर्व लामिछाने लगायतले शुभकामना मन्तव्य राख्नुभएको थियो । कार्यक्रममा कलाकार भिमसेन खतिवडा, संगम लामिछाने लगायतले आफ्नो प्रस्तुति प्रस्तुत गर्नुभएको थियो ।
