मेलम्ची नगरपालिका द्वारा आयोजित लैङ्गिक हिंसा विरुद्धको १६ दिने अभियानको नगर प्रमुख आइतमान तामाङ र उपप्रमुख उमा प्रधानले संयुक्त रुपमा उद्घाटन गर्नु भएको छ ।
प्रमुख तामाङको अध्यक्षतामा “लैङ्गिक हिंसा अन्त्यको सुनिस्चितताः महिला बालबालिकामा लगानीको एक्यवद्धता” भन्ने मुल नाराका साथ आयोजित उद्घाटन समारोहको सुभारम्भ गर्दै तामाङ्ले लैङ्गिक हिंसा सम्बन्धी स्पष्ट कानुन भएपनि कार्यन्वयनमा समस्या रहेको बताउनुभयो । तामाङ्ले कानुन बमोजिम काम कारबाही गरेमा सधैं साथमा रहेको बताउनुभयो ।
मंसिर ९ गते देखि विविध कार्यक्रम सहित २४ गते सम्म संचालन हुने अभियान कार्यक्रममा उपप्रमुख उमा प्रधानले लैङ्गिक हिंसा विरुद्धको १६ दिने अभियान १६ दिनमा मात्र सिमित नगर्न आग्रह गर्नुभयो । उहाँले आफुले पनि हिंसा नगर्ने र अरुले गरेको हिंसा पनि नसहने प्रण गर्न समेत सुझाउनुभयो । उपप्रमुख प्रधानले १६ दिने अभियान सबै मिलेर आ आफ्नो तहबाट सहयोग गरी सफल पार्नका लागी आह्वान गर्नुभयो ।
कार्यक्रममा वडा नम्बर १०का अध्यक्ष अमृत खनाल १३ अध्यक्ष श्रीराम घोरासैनी, प्रशासकीय अधिकृत झपेन्द्र खरेल, सुरक्षा निकायका प्रमुख, सम्बन्धित निकायको प्रमुख र सो संग सम्बन्धित सरोकारवालाहरुको सहभागीता रहेको थियो ।
