तिन महिने सिलाइकटाइ तथा ५ दिने झोल साबुन र सरफ बनाउने तालिम मेलम्चीमा सम्पन्न भएको छ । रिड नेपालको आयोजना करुणा ट्रष्टको आर्थिक सहयोग र मेलम्ची नगरपालिका संगको समन्वयमा भएको तालिममा वडा नम्बर १० र ११ का माझी र दनुवार समुदायका महिला हरुको सहभागीता रहेको थियो ।
कार्यक्रममा नगर प्रमुख आइतमान तामाङले तिन महिनाको तालीम अपुग भएमा सक्रिय रुपमा पुनः तालीम लिन आग्रह गर्नुभयो । उहाँले टिम बनेर तालिमको माग गरेर आएमा नगरपालिकाले तालिमको लागी बजेट बनाउन तयार रहेको जानकारी गराउनुभयो । कार्यक्रमका सभापति समेत रहनुभएका प्रमुख तामाङले सिलाइ बुनाइ र झोल साबुन बनाउने तालिम लिएकाहरुले निरन्तरता दिएमा जिविकोपार्जनमा टेवा पुग्ने बताउनुभयो । तामाङले जुनसिप जस्ले सिकेपनि हुने भन्दै प्रयोगमा ल्याउन समेत सुझाउनुभयो ।
तामाङले रिड नेपालले गरेका कामको बारेमा चर्चा गर्दै स्थानीय पाठ्यपुस्तक निर्माण ,शिक्षा ,तालीम लगायतका क्षेत्र गरेको कार्यले नगरपालिकालाई फाइदा पुगेको बताउनुभयो ।
उपप्रमुख उमा प्रधानले आफुले जुन सिपको तालीम लिएको छ त्यो सिपलाइ निरन्तरता दिन आग्रह गर्दै राज्यले गरेको लगानी खेर जान नदिनका लागी काम सुझाउनुभयो । उहाँले अब एडभान्स र बुटिक तालीमको आवश्यकता रहेको बताउनुभयो । उहाँले आगामी दिनमा ब्यबशायिक रुपमा काम गर्न समेत सुझाउनुभयो । ब्यबशायिक रुपमा काम गर्दा परेका अफ्ट्यारा समस्या समाधानका लागी नगरपालिका तयार रहेको प्रतिबद्धता व्यक्त गर्नुभयो ।
प्रमुख प्रशासकीय अधिकृत निमेश मिश्रले तालिम लिइसकेपछि निरन्तर सिपको उपयोग गर्न सुझाउनुभयो । उहाँले आगामी दिनमा अनुगमनका क्रममा आउँदा ब्यबशायिक रुपमा काम गरिरहेको देख्न पाउनुपर्ने बताउनुभयो ।मिश्रले सिकेका सिप,समय र राज्यको लगानी खेर जान नदिनका लागी सचेत रहन समेत सुझाउनुभयो ।
