रेडियो मिसन, नवलपुर ।
इन्द्रावती गाउँपालिकाका प्रबक्ता तथा वडा नम्बर ५ का अध्यक्ष शशिनाथ आचार्यले आफ्नो जन्मदिन जेष्ठ नागरिक सँग मनाउनुभएको छ । उहाँले जन्म दिनको अवसरमा चौतारा ५ स्थित जेष्ठ नागरिक आश्रममा रहनुभएका बृद्ध बृद्धालाई फलफुल बितरण गर्नुभएको हो ।
अध्यक्ष आचार्यले श्रीमती साबित्री भट्टराई आचार्य र छोरा समेतको उपस्थितीमा उहाँहरुलाई फलफुल बितरण गर्नुका साथै उहाँहरुबाट आशीर्वाद समेत लिन पाउँदा आनन्दानुभूति भएको बताउनुभएको छ ।
आगामी दिनमा आश्रमको ब्यवस्थापकिय कार्यमा समेत सकेको सहयोग गर्ने प्रतिबद्धता जनाउनुभएको छ । उहाँले यस वर्ष ३९ औँ जन्मोत्वव मनाउनुभएको हो ।
