रेडियो मिसन ।
प्रेस काउन्सिल नेपालले प्रदान गर्दै आएको महिला सशक्तीकरण पत्रकारिता पुरस्कारबाट यो बर्ष सिन्धुपाल्चोककी दुर्गा आचार्य पुरस्कृत हुने भएको छ ।
नेपाल पत्रकार महासंघ सिन्धुपाल्चोककी पूर्व उपाध्यक्ष तथा प्रेस युनियन सिन्धुपाल्चोककी निवर्तमान अध्यक्षसमेत रहनुभएकी आचार्यलाई प्रेस काउन्सिल नेपालको बार्षिकोत्सवको अवसरमा उक्त पुरस्कार प्रदान गरिने काउन्सिलले जनाएको छ ।
बिभिन्न सञ्चार माध्यममा आवद्ध रही सक्रिय पत्रकारिता गर्दै आउनुभएकी आचार्य सहित यो पुरस्कारबाट विभिन्न जिल्लाका गरि ६ जना पुरस्कृत हुने छ ।
१ लाख ५१ हजार राशिको प्रेस काउन्सिल गोपालदास पत्रकारिता पुरस्कार भने निर्मला शर्मालाई प्रदान गर्ने काउन्सिलले निर्णय गरेको छ ।
शनिवार राष्ट्रपति रामचन्द्र पौडेलको उपस्थितीमा वितरण हुने विभिन्न पुरस्कार तथा सम्मान प्रेस काउन्सिल नेपालले आफ्नो ५४ औं वार्षिक उत्सवको अवसरमा प्रदान गर्न लागेको हो ।
