रेडियो मिसन ।
नेपाली कांग्रेसका संस्थापक नेता विश्वेवश्वरप्रसाद कोइरालाको ११० औँ जन्मजयन्ती चौतारामा मनाईएको छ । नेपालि काँग्रेस जिल्ला कार्यसमितिले एक कार्यक्रम आयोजना गरी मनाएको हो ।

चौतारामा निर्मित बि.पि.अध्ययन केन्द्रमा आज नै पार्टीको जिल्ला कार्यसमितिको कार्यालय पनि सोहि भवनमा सारीएको जिल्ला कार्यसमितिका प्रवक्ता नवराज भट्टराईले जानकारी दिनुभयो ।

कार्यक्रममा बोल्दै जिल्ला सभापति जंग बहादुर लामाले बि.पि ले कठिन परीस्थितिमा पनि पार्टीको संगठन विस्तार गरेको स्मरण गर्दै अब संगठन विस्तारमा कुनै सदस्यले आराम गर्न नहुने बताउनुभएको छ । पहिलो जननिर्वाचित प्रधानमन्त्री बन्नुभएको बि.पि को सिद्धान्त र विचार आजको दिनमा पनि अपरिहार्य रहेको उहाँले बताउनुभयो ।
यस्तै कार्यक्रममा बोल्दै नेपालि कांग्रेस सिन्धुपाल्चोक क्षेत्र नम्बर २ का सभापति आईतमान तामाङले बि.पि को मार्ग निर्देशन भुल्न नहुने बताउनुभएको छ । जहानियाँ राणा शासनविरुद्ध कोईरालाले गरेको सङ्घर्ष भुल्न नहुने उहाँले बताउनुभयो । देश र जनताका लागि गरेको त्याग र संगठन विस्तारको काममा कोईरालाले आफ्नो जिवनकालमा पार्टीको लागि धेरै काम गरेको उहाँले बताउनुभयो । आगामि दिनमा बि।पि को मार्ग अंगालेर पार्टीको संगठनलाई सुदृढ र मजबुत बनाउन उहाँले सम्पूर्ण पार्टीका सदस्यहरूलाई आग्रह गर्नुभएको छ ।
आजै सरेको नंया भवनमा जिल्ला सभापति जंग बहादुर लामा र महासमिति सदस्य राजेन्द्र बहादुर गोर्खालिले बृक्षरोपण पनि गर्नुभएको छ ।

कार्यक्रममा जिल्ला उपसभापति दोर्जे लामा हाउडे, महासमिति सदस्यहरू, महादिवेशन प्रतिनिधिहरू र महिला नेतृहरूका साथै नेपालि काँग्रेसका क्यिासिल सदस्यहरूको सहभागिता रहेको थियो ।
सफल साहित्यकार समेत रहनुभएका कोइरालाको जन्म बि.सं. १९७१ भदौ २४ गते बनारसमा भएको थियो भने निधन बि.सं. २०३९ साउन ६ गते काठमाडौँमा घाँटीको अर्बुदरोगबाट भएको थियो । कोइरालाले बि.सं. २००३ मा नेपाली राष्ट्रिय कांग्रेस स्थापना गर्नुभएको थियो । बि.सं.२००६ मा सुवर्णशम्शेरले स्थापना गरेको नेपाली प्रजातान्त्रिक कांग्रेससँग एकीकरण गरी कोइराला सभापति बन्नुभएको थिायो । बि.सं. २०१५ फागुन ७ मा भएको संसद्को निर्वाचनमा पार्टीलाई बहुमत दिलाउन पनि काईराला सफल हुनुभएको थियो ।