रेडियो मिसन, नवलपुर ।
इन्द्रावती गाउँपालिकाले २० औँ राष्ट्रिय धान दिवस मनाएको छ । शुक्रवार आज गाउँपालिकाको वडा नम्बर ६ स्थित खट्पेश्वरमा गाउँपालिका अध्यक्ष झम्कनाथ नेपाल, उपाध्यक्ष शोभना तामाङ वडा अध्यक्ष सदस्य लगायतका जनप्रतिनिधीहरु लगायत कर्मचारी तथा स्थानीयहरूले धान रोपेर धान दिवस मनाएको हो ।
“जलवायु अनुकूल कृषकमैत्री प्रविधि, धान उत्पादनमा वृद्धि” भन्ने नाराका साथ देशै भरि धान दिवस मनाईरहँदा गाउँपालिकाको आयोजना तथा नेपाल सरकार कृषि पशुपन्छी मन्त्रालय र खाद्य तथा पोषण सुरक्षा सुधार आयोजनाको आर्थिक सहयोगमा धान दिवस मनाएको गाउँपालिका अध्यक्ष झम्कनाथ नेपालका स्वकीय सुनिल तामाङले जानकारी दिनुभयो ।
कृषिलाई प्राथमिकतामा राख्दै आएको गाउँपालिकाले किसानको हौसला बढाउन किसानसँगै धान दिवस मनाउन खेतमै पुगेको जनाएको छ ।
