रेडियो मिसन, मेलम्ची ।
मेलम्चीमा अखिल नेपाल किसान महासंघ सिन्धुपाल्चोकले रोपाई गरेर राष्ट्रिय धान दिवस मनाएको छ । नेकपा एमालेका स्थाई कमिटि सदस्य शेरबहादुर तामाङले धान रोपेर कार्यक्रमको उद्घाटन गर्नुभएको थियो ।
रोपाई पछि आयोजित कार्यक्रममा पूर्वमन्त्री एवम् एमाले नेता तामाङले हाम्रो उत्पादनले हामीलाई पुग्ने मात्र नभई विदेशमा समेत निर्यात गर्न सक्ने उत्पादन होस् भन्ने आफुहरुले चाहेको बताउनुभयो ।
कृषि उत्पादनलाई प्राथमिकता दिएर अगाडि बढ्न सक्ने नीति राज्यले बनाउनपर्नेमा तामाङले जोड दिनुभयो । जंगली जनावरले दुख दिने गरेको मल, बीउ बेलैमा नपाइने अवस्थाको अन्त्यका लागि तामाङले राज्यको ध्यानाकर्षण गराउनुभयो ।
कार्यक्रममा, आयोजकका अध्यक्ष रामप्रसाद गौतम, अखिल नेपाल महिलासघं, राष्ट्रिय युवा सघं, अनेरास्ववियु, लगायतको भात्रृ संगठनको समेत सहभागिता रहेको थियो ।
