रेडियो मिसन, नवलपुर ।
मेलम्ची नगरपालिका वडा नम्बर ८ का युवाहरुले बागमती प्रदेशका सांसद कृष्ण कुमार तामाङ समिरलाई धन्यवाद दिएका छन् । वडा नम्बर ८ को स्याङ्बोखोर र बोम्बोखोरको लागि प्रदेशबाट बजेट बिनियोजन गर्न पहल गरि बजेट पार्न सफल भएकोमा खुसी हुँदै उनिहरुले आज उहाँको सचिवालयमै गएर भेट गरि चियापान गर्नुका साथै धन्यवाद दिएका थिए ।
भेटमा सांसद तामाङले माग गरिए अनुसार अन्य शिर्षकहरुमा पनि बजेटको लागि पहल गर्ने प्रतिबद्धता जनाउनुभयो । जनताको गाउँ बस्तीका समस्यामा मह्लम लगाउन पाउदा खुसी लागेको बताउदै उहाँले अरु शिर्षकहरुमा पनि बजेटको व्यवस्था हुने बताउनुभयो । सांसद तामाङको पहलमा स्याङ्बोखोर बोम्बोखोर सामुदायिक भवन निर्माण शिर्षकमा २० लाख र वडामा रहेको जलवाई देवी माध्यमिक विद्यालाई ८ लाख रुपैयाँ बजेट परेको छ ।
भेटमा जलवाई देवी माध्यमिक बिद्यालयका बिद्यालय व्यवस्थापन समिति अध्यक्ष बिनय तामाङले बिद्यालय शिक्षा सुधार तथा भौतिक संरचनाको लागि पनि बजेटको व्यवस्था गरिदिन अनुरोध गर्नुभयो । सांसद तामाङले यसको बारेमा पनि आफ्नो ध्यानाकर्षण भएको बताउनुभएको छ ।
भेटमा नेपाली काङ्ग्रेस वडा कमिटी उपसभापति अरुण तामाङ लगायत पार्टीका सक्रिय सदस्यहरु लगायतको उपस्थिति रहेको थियो ।
सांसद तामाङको पहलमा सिन्धुपाल्चोकका थुप्रै स्थानहरुको लागी बजेट परेको भन्दै उहाँको अहिले सामाजिक सञ्जालमा बिकासप्रेमी नेताको रुपमा ब्यापक चर्चा छ ।
