अर्जुन बिक, शिपापोखरे ।
इन्द्रावती गाउँपालिका ७ सिपापोखरेमा लिफ्ट प्रणालीबाट घर–घरमा खानेपानीको सुविधा पुगेको छ । लिफ्ट प्रविधिको खानेपानी योजनामार्फत इन्द्रावती गाउँपालिकाको वडा नम्बर ७ को तीन गाउँका करिव ४५ घर परिवारको लागि वर्षौ देखिको खानेपानीको समस्या समाधान भएको छ ।
वडा कार्यलयको एक लाख र २० प्रतिशत जनश्रमदानबाट आयोजना निर्माण सम्पन्न भएको हो । अब खानेपानीको लागी घण्टौँ पैदल हिँड्न पर्ने बाध्यता टरेको छ ।
आयोजनाकाट मैदान टोल, ढुङ्गाना टोल लगाएत पाँचपिप्ले टोलवासीले ठूलो राहत पाएको उपभोक्ता समितिका अध्यक्ष शेर बा न्यौपानेले जानकारी दिनुभयो । ‘आयोजना बनेपछि खानेपानीको अभाव भोग्न बाध्य पोखरेवासीलाई ठूलो राहत मिलेको छ,’ उहाँले भन्नुभयो ।
आयोजना अन्तर्गत २ हजार लिटरको भण्डारण ट्याङ्की निर्माण गरिएको छ । बस्तीभन्दा ५०० सय मिटर तल रहेको ढुङ्गाना पधेरो मुहानबाट विद्युतीय मोटरबाट तानेको पानीलाई उक्त ट्यांकीमा भण्डारण गरी घर–घरमा वितरण गरिएको हो ।
