रेडियो मिसन नवलपुर ।
जिल्ला प्रहरी कार्यलय सिन्धुपाल्चोकले चोरी मुद्धाका फरार अपराधीलाई पक्राउ गरेको छ ।
साधरण चोरी मुद्धामा एक महिना कैद र २२ हजार नौ सय रुपैयाँ जरिवाना भई फरार भएका चौतारा साँगाचोकगढी नगरपालिका वडा नं. ०६ बस्ने ३६ वर्षिय दिपेन्द्र अधिकारी, कृष्ण बहादुर खत्री भन्ने नारायण वि.क.लाई फरार रहेको ७ वर्ष पछि आज आइतबार पक्राउ गरेको जिल्ला प्रहरी कार्यलयले जनाएको छ ।
निजलाई लागेको कैद जरिवाना सजाय असुल उपरका लागि आजै जिल्ला कारागार चलान गरिएको जिल्ला प्रहरी कार्यलयका सूचना अधिकारी प्रहरी नायव उपरीक्षक राम कुमार यादवले जानकारी दिनुभयो ।
