रेडियो मिसन, नवलपुर ।
इन्द्रावती गाउपालिकाको नवलपुर देखी ज्यामिरेमाने सडकमा कालोपत्रे धमाधम भइरहेको छ । गत बैशाख २१ गते देखी सवारी साधन आवत जावत समेत बन्द गरी काम भइरहेको हो । उक्त सडक खण्डमा भइरहेको कामको आज गाउँपालिकाका प्रवक्ता तथा वडा नम्बर ५ का अध्यक्ष शशिनाथ आचार्य र प्रमुख प्रशासकीय अधिकृत राम प्रसाद शर्मा सहितको टोलिले आज अनुगमन गर्नुभएको छ ।
ज्यामिरेमाने देखि नवलपुर सम्मको ६ किलोमिटर मध्ये साढे ५ किलोमिटर पालिका र बाकी बागमती प्रदेश सरकारको लगानीमा कालोपत्रे हुन लागेको इन्जिनियर राजाराम घोरासैनिले जानकारी दिनुभयो । यही जेष्ठ मसान्तसम्म सम्पन्न भइसक्ने गरी काम भइरहेको उहाँले बताउनुभयो ।
अनुगमनमा प्रमुख प्रशासकिय अधिकृत शर्मा, प्रवक्ता आचार्यका साथै वडा नम्बर ६ का अध्यक्ष इन्द्र तामाङ, वडा नम्बर ८ का अध्यक्ष दिलकुमार श्रेष्ठ, पालिकाको प्राविधिकहरु र पत्रकारहरुको सहभागिता रहेको थियोे ।
