रेडियो मिसन, मेलम्ची ।
मेलम्चीमा जारी जिल्ला स्तरीय भलिवल प्रतियोगितामा बनकाली युवा समाज जुगलले तेस्रो स्थान हात पारेको छ । सृजनशिल युवा क्लव दुवाचौर छापलाई ३–२ को सेटमा पराजित गर्दै बनकाली तेस्रो भएको हो । उसले ७५ हजार रुपैयाँ नगद पुरस्कार पाउने छ ।
सेमिफाइनलमा सृजनशिल युवा क्लव सिन्धु योङ्ग स्टार मेलम्ची ९ ए सँग र बनकाली युवा समाज जुगल मेलम्ची ७ सँग पराजित भएपछि तेस्रो स्थानका लागी प्रतिस्पर्धा गरेको हो ।
प्रतियोगिताको उपाधिका लागी मेलम्ची ७ र सिन्धु योङ्ग स्टार मेलम्ची ९ ए ले प्रतिस्पर्धा गर्ने भएको छ । मेलम्ची युवा क्लवको आयोजना तथा राम श्रेष्ठको प्रायोजनमा २५ गतेबाट सुरु भएको प्रतियोगिताको आज नेपाल सरकारका स्वास्थ्य मन्त्री मोहन बहादुर बस्नेतको उपस्थितीमा समापन हुने आयोजक क्लबका अध्यक्ष महाबिर श्रेष्ठले जानकारी दिनुभयो ।
प्रतियोगिताको बिजेताले मन्त्री बस्नेतको बाहुलीबाट बिजेता टोलीले २ लाख, उपबिजेताले १ लाख नगद र सिल्ड मेडल तथा प्रमाणपत्र प्राप्त गर्ने खेल संयोजन प्रकाश सापकोटाले जानकारी दिनुभयो ।
