रेडियो मिसन, मेलम्ची ।
मेलम्चीमा जारी जिल्ला स्तरीय भलिवल प्रतियोगिताको फाइनलमा मेलम्ची ७ र सिन्धु योङ्ग स्टार मेलम्ची ९ ए ले प्रतिस्पर्धा गर्ने भएको छ । आज भएको पहिलो सेमिफाइनलमा मेलम्ची ९ ले सृजनशिल युवा क्लवलाई पराजित गर्दै फाइनल प्रबेश गरेको हो । त्यस्तै मेलम्ची ७ ले बनकाली युवा समाज जुगललाई सोझो सेटमा हराउँदै सिन्धु योङ्ग स्टार मेलम्ची ९ ए सँगको फाइनल भेट पक्का गरेको हो ।
यो सँगै बनकाली युवा समाज जुगल र सृजनशिल युवा क्लवले तेस्रो स्थानका लागी प्रतिस्पर्धा गर्ने भएको छ ।
मेलम्ची युवा क्लवको आयोजना तथा राम श्रेष्ठको प्रायोजनमा २५ गतेबाट सुरु भएको प्रतियोगिताको आज नेपाल सरकारका स्वास्थ्य मन्त्री मोहन बहादुर बस्नेतको उपस्थितीमा समापन हुने आयोजक क्लबका अध्यक्ष महाबिर श्रेष्ठले जानकारी दिनुभयो ।
प्रतियोगिताको बिजेता टोलीले मन्त्री बस्नेतको बाहुलीबाट २ लाख, उपबिजेताले १ लाख तथा तेस्रो हुनेले ७५ हजार नगद र सिल्ड मेडल र प्रमाणपत्र प्राप्त गर्ने खेल संयोजन प्रकाश सापकोटाले जानकारी दिनुभयो ।
