रेडियो मिसन, नवलपुर ।
इन्द्रावती गाउँपालिकाका प्रवक्ता एवम् वडा नम्बर ५ का अध्यक्ष शशि नाथ आचार्य गाउँपालिका राष्ट्रिय महासंघ नेपालको केन्द्रिय सदस्यमा मनोनित हुनुभएको छ ।
गत चैत्र २६ र २७ गते सम्पन्न महासंघको केन्द्रिय कार्यसमितिका तेस्रो बैठकले केन्द्रिय कार्यसमितिको रिक्त एक पदमा गाउँपालिकाका वडाध्यक्षहरुको तर्फबाट आचार्यलाई मनोनयन गरिएको हो ।
केन्द्रिय कार्यसमितिको सदस्यमा मनोनयन हुनुभएका आचार्यलाई महासंघले बधाई सहित सफल कार्यकालको शुभकामना व्यक्त गर्नुका साथै महासंघको विधान र उद्देश्यबमोजिम केन्द्रिय कार्यसमितिको सदस्यको रुपमा महत्वपूर्ण भूमिका निर्वाह गर्ने बिश्वास समेत गरेको छ ।
