रेडियो मिसन, मेलम्ची ।
सिन्धुपाल्चोक जिल्ला व्यापी पुरूष भलिवल प्रतियोगिता मेलम्चीमा सुरु भएको छ । प्रतियोगिताको मेलम्ची नगरपालिका प्रमुख आइतमान तामाङले आज उद्घाटन गर्नुभएको हो ।
स्वास्थ्य र आन्तरिक पर्यटन प्रवर्द्वनका लागि खेलकुद भन्ने मुल नारा सहित मेलम्ची पुनर्निर्माण तथा संरक्षण समिती र मेलम्ची युवा क्लवको आयोजना तथा राम श्रेष्ठको प्रायोजनमा प्रतियोगिता हुन लागेको हो ।
प्रतियोगिताका लागी जिल्लाका १४ टोलीको सहभागीता रहेको कार्यक्रमका सभापती महावीर श्रेष्ठले जानकारी दिनुभयो ।प्रतियोगितामा पहिलो, दोस्रो र तेस्रो हुनेले क्रमशः २ लाख, १ लाख र ७५ हजार नगद सहित ट्रफि, मेडल र प्रमाणपत्र पाउनेछन् । प्रतियोगितको फाइनल खेल यहि २८ गते बिहिवार हुने आयोजकले जनाएको छ ।
उद्घाटन कार्यक्रममा प्रमुख अतिथि, नगर प्रमुख आइतमान तामाङ, बिशेष अतिथी उप प्रमुख उमा प्रधान, निवर्तमान उपप्रमुख भगवती नेपाल, नगर भित्रका बिभिन्न वडाका अध्यक्षहरु उपस्थिती रहेको छ । साथै प्रहरी, पत्रकार, समाजसेवी, ब्यवसायी लगायतको बाक्लो उपस्थितीमा प्रतियोगिताको उद्घाटन भएको छ ।
