रेडियो मिसन, नवलपुर ।
इन्द्रावती गाउँपालिका वडा नम्बर १ भिरखर्कमा शनिबार आज झोलुङ्गे पुुलको उद्घाटन गरिएको छ । इन्द्रावती गाउँपालिका र क्षेत्रगत कार्यक्रम SWAP को आर्थिक सहयोग एवं हेल्भेटास र सामुदायिक विकास तथा वातावरण संरक्षण मञ्च CDECF को प्राविधिक एवं सामाजिक सहजीकरणमा निर्मित पुलको उद्घाटन गरिएको हो ।
इन्द्रावती गाउँपालिकाको वडा नं १ भिरखर्क र चौतारा साँगाचोकगढी नगरपालिका १ को स्याउले स्थित कातर्चे जोड्ने झोलुङ्गे पुुलको उद्घाटन गर्दै प्रमुख अतिथी गाउँपालिका अध्यक्ष झम्क नाथ नेपालले यो पुल उद्घाटन वडा नम्बर १ मा भएको बिकासको नमुना भएको बताउनुभएको अध्यक्ष नेपालका स्वकिय सचिव सुनिल तामाङले जानकारी दिनुभयो । साथै वडा नम्बर १ को बिकासलाई गाउँपालिकाले बिशेष प्राथमिकताका साथ हेरेको र यहाँको पुल पुलेसा, बाटोघाटो, सिँचाई, खानेपानी,शिक्षा,स्वास्थ्य लगायत समग्र विकासको क्षेत्रमा कार्य गरिरहेको अध्यक्ष नेपालको भनाई छ ।
३२ लाख ४० हजार ६ सय ४१ कुल लागतमा सम्पन्न पुलको लम्बाई ४९ मिटर रहेको छ । गत वर्षको फागुनको अन्तिममा सम्झौता गरी उपभोक्ता समिति मार्फत चैतको सुरुदेखी निर्माण कार्य सुचारु भइ असारको अन्तिममा सम्पन्न भएको पुलको आज उद्घाटन गरिएको गाउँपालिकाका प्रवक्ता एवम् वडा नम्बर ५ का अध्यक्ष शशिनाथ आचार्यले जानकारी दिनुभयो । पुल निर्माण भएसँगै इन्द्रावती १ र चौतारा साँगाचोकगढी नगरपालिकाको वडा नं १ स्याउलेका स्थानीय लाभान्वित हुनेछन् ।
पुल उद्घाटन कार्यक्रममा गाउँपालिका अध्यक्ष नेपालको साथमा गाउँपालिकाका प्रवक्ता एवम् वडा नम्बर ५ का अध्यक्ष शशिनाथ आचार्य, वडा नम्बर १ का अध्यक्ष चिनलाल तामाङ, पुर्व वडा अध्यक्ष श्री लामा, सहयोगी सँस्थाका तर्फबाट सामुदायिक विकास तथा वातावरण संरक्षण मञ्च CDECF का अध्यक्ष रामजी थापा, कार्यकारी निर्देशक गोबिन्द सापकोटा बिभिन्न पार्टीका प्रतिनिधीहरु लागायतको उपस्थिती रहेको थियो ।
सथै ईन्द्रावती गाउँपालिकामा सिपाखोला र झ्याँडीखोला झोलुङ्गे पुुल तथा कामिखोला ट्रस पुल गरी अन्य तीन वटा पुलहरुको पनि निर्माण कार्य अन्तिम चरणमा रहेको अध्यक्ष नेपालका स्वकिय सुनिल तामाङले जानकारी दिनुभयो ।
