रेडियो मिसन, मेलम्ची ।
मेलम्ची नगरपालिका वडा नम्बर १३ फटकशीलामा मधेराचौर देविस्थान लिफ्ट सिंचाइ आयोजनाको शिलान्यास गरिएको छ । आज बागमती प्रदेशका भौतिक पूर्वाधार विकास मन्त्री युवराज दुलालले सो आयोजनाको शिलान्यास गर्नुभएको हो । सो सिंचाईको शीलान्याससंगै स्थानीय उपभोक्ता उत्साहित भएका छन् ।
एकिकृत उर्जा तथा सिंचाई विकास कार्यक्रम अन्तरगत १ करोड १९ लाख लागतमा निमार्ण हुने आयोजनाको जिम्मा एस आर कन्ट्रक्शन एण्ड सप्लायर्स प्रालिले १ बर्षभित्र सम्पन्न गर्नेगरि जिम्मा पाएको छ । शिलान्यास गर्नुहुँदै मन्त्री दुलालले सिंचाई आयोजना सम्पन्न हुनेबित्तिकै यस क्षेत्रको विकासमा टेवा पुग्ने बताउनुभयो ।
उहाँले दिर्घकालिन रुपमा विकास गर्नका लागि र त्यहाँको समग्र अन्य विकासको लागि आफुले पार्टिभन्दा माथि रहेर काम गर्ने प्रतिबद्धता जनाउनुभयो । मन्त्री दुलालले मेलम्ची १३ फटकशीलाको सडकलाई गुणस्तरिय बनाउने कुरामा आफु लागि परेको बताउनुभयो । उहाँले तत्कालै सबैकाम गर्न नसकेपनि क्रमिक रुपमा आफ्नो कार्यकाल भरिमा थुप्रै देखिने काम गर्ने उद्घोष गर्नुभएको छ ।
