रेडियो मिसन, नवलपुर ।
इन्द्रावती गाउँपालिकाले भृकुटी पार्कको सरसफाइ गरेको छ । सोनाम ल्होछारको अवसरमा गाउँपालिकाले पार्कको सरसफाइ गरेको हो । गाउँपालिकाका जनप्रतिनिधि र कर्मचारीहरूको सहभागितामा सरसफाइ गरिएको हो ।
सरसफाइ कार्यक्रमको अवसरमा बोल्दै गाउँपालिकाका अध्यक्ष झम्कनाथ नेपालले चाडपर्वले राम्रो काम गर्ने र भातृत्व बढाउने काम पनि गर्ने बताउनुभएको छ । चाडपर्व कुनै एक जातजाति भाषा धर्मको नभई सबैको साझा भएकाले यो अवसरमा केही नँया कामको सुरुवात गर्नको लागि यो काम सुरु गरिएको उहाँले बताउनुभएको छ ।
गाउँपालिकाको प्रशासनिक भवनको आडैमा रहेको पार्कमा उम्रेका नचाहिने झारपात उखेलेर रोपिएका बिरुवाको संरक्षण गरिएको गाउँपालिकाका प्रशासकीय अधिकृत रामप्रसाद शर्माले बताउनुभयो । यस्ता बनिसकेका संरचनाको रक्षा गर्नको लागी सबै एकजुट भएर लाग्नुपर्ने पनि उहाँले बताउनुभएको छ ।
