ईन्द्रावती गाउँपालिका वडा नम्बर ४ द्वारा सञ्चालित तीन महिने आधारभूत सिलाई कटाई तालिम सुरु भएको छ । बागमति प्रदेश सरकार सामाजिक विकास मन्त्रालय सामाजिक विकास कार्यालय धुलिखेल र ईन्द्रावती गाउँपालिकाकाे साझेदारीमा कार्यक्रम सञ्चालन भएकाे हाे ।
गृहिणी महिला शशक्तिकरण कार्यक्रम अन्तर्रगत आधारभूत कटाई सिलाई सीप विकास तालिम सञ्चालन गरिएको वडा कार्यालयले जनाएको छ ।
तालिमको उद्घाघटन गर्दै गाउँपालिकाका उपप्रमुख शाेभना तामाङले सिलाइ कटाइ तालिम जीवन उपयोगी हुने भएकोले तिन महिना सम्म लगनशीलताका साथ सिक्न सहभागिहरुलाई आग्रह गर्नुभयो । मानिसलाई सिपले स्वरोजगार बनाउने बताउँदै मेहनतका साथ सिप सिके जीवनमा परिवर्तन हुने उपप्रमुख तामाङकाे भनाई छ ।
कार्यक्रममा बोल्दै प्रमुख प्रसासकिय अधिकृत पूर्ण प्रसाद दुलालले सहभागिहरु आफैले छानेको तालिम भएकोले सहभागिताहरु स्वंयम केही गर्न सक्षम हुन सक्ने भन्दै तालिम सम्पन्न पश्चात् आफै व्यवसाय गर्न आग्रह गर्नुभयो । तालिमकाे समयावधि पछि यसलाई निरन्तरता दिन उहाँले आग्रह गर्नुभयाे । कार्यक्रमका लागि सहभागिकाे उत्साहका आधारमा पालिकाले बजेट व्यावस्थापन गरि काम गरीरहेकाे उहाँको भनाई छ । तालिम उपयाेगि भएकाले लगनशील भएर सीप सिक्न उहाँले आग्रह गर्नुभयाे ।
कार्यक्रममा वडा अध्यक्ष क्षेत्र बहादुर तामाङले श्रम र सिपले आय आर्जन गर्न सकिने भएकाले सिप हुने मानिस जहिले पनि समाजमा सम्मानित हुने उहाँले बनाउनुभयो । सिलाई कटाई तालिमबाट दक्ष जनशक्ति उत्पादन गर्ने हिसाबले तालिम सञ्चालन गरिएकाे वडा अध्यक्ष तामाङले बताउनुभयाे । तालिम पश्चात् महिला दिदिबहिनीहरु स्वरोजगार र आत्म निर्भर बन्ने भएकाले यसले आर्थिक उपार्जनमा समेत महत्त्वपूर्ण योगदान पुर्याउने तामाङले बताउनुभयो । वडाले हरेक आर्थिक बर्षमा आय आर्जनको कार्यक्रम सञ्चालन गरिरहेकाे उहाँले जानकारी दिनुभयाे
मेसिनका लागि पालिकाले ५०% अनुदान दिने छ । तालिम आजबाट असार १८ गतेसम्म सञ्चालन हुने वडा सचिव मदन कुमार भट्टराईले जानकारी दिनुभयाे । तालिममा २२ जना सहभागी रहने छन् ।
