मेलम्ची l
मेलम्ची नगरस्थरीय भलिबल प्रतियोगिताको उपाधी मेलम्ची नगरपालिका वडा नम्बर २ ले हात पारेको छ । शनिबार सम्पन्न फाइनल खेलमा योङ स्टार युथ क्लबलाई पराजित गर्दै वडा नम्बर २ ले उपाधीमाथी कब्जा जमाएको हो ।
नमुना युवा जागरण समुहको आयोजना र मेलम्ची नगरपालिकाको सहयोगमा भएको प्रतियोगितामा न्यु फेस युवा क्लब दुबाचौरले तेस्रो स्थान हाँसिल गरेको आयोजक समुहका सह–सचिव ओम तामाङले जानकारी दिनुभयो ।
कार्यक्रममा पहिलो, दोस्रो र तेस्रो हुनेले क्रमशः ५० हजार, २५ हजार र १५ नगद साथै ट्रफी, मेडल र प्रमाण पत्र हात पारेको छ । प्रतियोगिताको बेष्ट स्पाईकर चन्द्र तामाङ र बेस्ट प्लेयर रमेश खतिवडाले ट्रफि र प्रमाण पत्र हात पार्नु भएको छ ।
प्रतियोगिताको असोज ७ गते शुक्रबार नगरप्रमुख आईतमान तामाङले उद्घाटन गर्नुभएको थियो ।
