रेडियो मिसन ।
भोटेचौर स्पोर्टस क्लबका दुर्गेश थापाले पाँचपोखरी टी–२० जिल्लास्तरीय क्रिकेट प्रतियोगिताको छैटौँ संस्करणमा पहिलो सतक बनाउनुभएको छ । थापाले आज पाँचपोखरी हिमालयन क्रिकेट क्लब सँगको खेलमा १०१ रनको सतकीय पारी खेल्नुभएको हो । पाँचपोखरीले दिएको १४२ रनको बिजयी लक्ष्य पछ्याउने क्रममा सरिन कार्की सँग ओपनिङ गर्न आउनुभएका थापाले ६५ बलमा १५ चौका र २ छक्का प्रहार गर्दै १०१ रनमा नटआउट रहनुभयो ।
थापाको उक्त सतकको मद्दतमा पाँचपोखरी हिमालयन क्रिकेट क्लबलाई ६ वीकेटले हराउन सफल भएको हो । थापा खेलको म्यान अफ द म्याच घोषित हुनुभयो ।
आजै भएको अर्को खेलमा द माइटी साँगाचोकलाई ८ विकेटले पराजित गर्दै इन्द्रावतीले पहिलो जित हात पारेको छ ।
खेलकुद बिकास समिति पाँचपोखरी थाङपाल गाउँपालिकाको आयोजनामा भइरहेको उक्त प्रतियोगितामा जिल्ला क्रीकेट संघ सिन्धुपाल्चोक र पाँचपोखरी क्रीकेट क्लबले प्रविधिक सहयोग गरेको छ ।
