श्री ऐसेलुखर्क माध्यमीक विद्यालयको पूर्व विद्यार्थी भेला सम्पन्न भएको छ । आज एक कार्यक्रमका विच विद्यालयमा भुतपूर्व विद्यार्थीहरुको सहभागितामा भेला सम्पन्न भएको छ ।
२००५ सालमा स्थापना भएको विद्यालयको चौतर्फी उन्नयन र आगामि योजनाबारे छलफल भएको थियो । कार्यक्रममा पूर्व विद्यार्थी तथा इन्द्रावती गाउापालिकाका पुर्व अध्यक्षा वंशलाल तामाङले पुर्व विद्यार्थीहरु एकै ठाँउमा जोडिने वातावरण बनाउनुपर्ने बताउनुभयो । सफ्टवेयर बनाई सबैको विवरण संकलन गर्नुपर्नेमा उहाँले जोड दिनुभयो । प्रविधिमैत्रि शिक्षक र कक्षाहरू सञ्चालन गराई विद्यालयलाई आकर्षणको केन्द्र बनाउनुपर्ने उहाँको भनाई थियो । शिक्षा ऐनको लागि शिक्षकले नै आन्दोलन गर्नु दुखपूर्ण भएको तामाङले बताउनुभयो ।
भेलामा ईन्द्रावती गाउँपालिका वडा नम्बर ५ का वडा अध्यक्ष शशिनाथ आचार्यले ऐसेलुखर्क आकर्षणको विद्यालय बन्नुपर्नेमा जोड दिनुभयो । विद्यालयले हालसम्म उत्पादन गरेका विद्यार्थीहरु उच्च ओहदामा पुगिसकेकाले सबैलाई समेटेर विद्यालयको उन्नयनको विषयमा छलफल गरी अघि बढ्नुपर्ने बताउनुभयो ।
भेलामा सहभागि पुर्व विद्यार्थीहरुले बिद्यालयमा बस सञ्चालन गर्नुपर्ने, प्रविधिमैत्रि विद्यालय बनाउनुपर्ने, पुर्व विद्यार्थीहरू सबै उपस्थित हुने वातावरण बनाउनुपर्ने र विद्यालयको तथ्यांक संकलन गर्न सुझाव दिएका थिए । आगामि दिनमा विद्यालयको हितका लागि सर्ब विद्यार्थीहरु समेटेर अघि बढ्न सुझाव दिईएको थियो ।
विद्यालयको वर्तमान र भावि योजनाको प्रतिवेदन प्रश्तुत गर्दै प्रधानाध्यापक शुरेसकृष्ण श्रेष्ठले विद्यालयका समस्या र चुनौतीहरु, समस्या समाधानका लागि अपनाईएका उपायहरु, विद्यालयले अबलम्बन गरेका असल अभ्यासहरु र भावि योजनाहरुको बारेमा प्रतिवेदन प्रश्तुत गर्नुभएको थियो । साथै विद्यालयमा प्रविधिको प्रयोग गरि केही तथ्य तथ्यांकका कामहरू सुरू गरीसकेको प्रधानाध्यापक श्रेष्ठले जानकारी दिनुभयो । प्राविधिक धार र अंग्रेजी माध्यम सञ्चालनले विद्यालयलाई व्ययभार बढेको उहाँले बताउनुभयो । विव्यास अध्यक्षले निरन्तर सहयोग संकलन गरि विद्यालयलाई हस्तान्तरण गरीरहेको पनि उहाँले जानकारी दिनुभयो ।
साथै आजको भेलाले राधाकृष्ण श्रेष्ठको नेतृत्वमा पुर्व विद्यार्थी सम्पर्क समन्वय समिति चयन गरेको छ । जसमा सदस्यहरू उमेश अधिकारी, दोर्जे तामाङ, गोविन्द कोईराला, विष्णु भट्टराई, शान्ता तिमल्सिना र समीर तामाङ रहनुभएको छ ।
कार्यक्रमको समापन गर्दै विद्यालय व्यावस्थापन समिति अध्यक्ष मिनामैंया थापाले सबैलाई नसमेटिए पनि यो सुरूवात हुनु राम्रो भएको बताउनुभयो । विद्यालयलाई टिकाउन केही नँया कामहरू थालनि गर्ने उदेश्यका साथ सुरु गरीएको भेलालाई थप प्रभावकारी बनाउन अबको भेला सबैलाई पाएक पर्नेगरी आयोजना गर्ने पनि उहाँले बताउनुभयो ।
