नेपाल भुतपुर्व सैनिक संघ ईन्द्रावती गाउँपालिकाकाे प्रथम अधिवेशन सम्पन्न भएकाे छ । नेपाल भूतपूर्व सैनिक संघ जिल्ला कार्यसमिति सिन्धुपाल्चोकको आयाेजनामा अधिवेशन सम्पन्न भएकाे हाे ।
आज इन्द्रावती गाउँपालिका नवलपुरमा भएको प्रथम अधिवेशनमा कांग्रेस पुर्व केन्द्रिय सदस्य विष्णु विक्रम थापाले निर्वाचित कार्यसमिति लाई बधाई एवम् शुभकामना दिदै समाज सहित कांग्रेसलाई समृद्ध बनाउन सैनिक साथीहरुको सहयोग हुनेमा आफू विश्वास्त रहेको बताउनुभयाे।
कार्यक्रममा बाेल्दै पुर्व गाउँपालिका अध्यक्ष बंशलाल तामाङले सैनिक संघको गठनले कांग्रेस लाई थप चलयमान बनाउनेमा आफू विश्वसत रहेको बताउनुभयाे । साथै तामाङले निर्वाचित सैनिक संघका सबै पदाधिकारी लाई आफ्नो जिम्मेवारी निष्पक्ष रुपले निर्वाह गर्न समेत आग्रह गर्नुभयाे।
महासमिति सदस्य शिव सुनारले सैनिक संघले पार्टीभित्र सल्किएको धुवा धुलो र आगोलाई निभाउन भुमिका खेल्ने बताउनुभयाे। सैनिक संघले दमकलको भुमिका निर्वाह गरि पार्टी भित्रको बेथितिलाई मेटाउन सहयोग गर्ने बताउनुभयाे ।
कार्यक्रममा आफ्नो मन्तव्य राख्दै महासमिति सदस्य राजेन्द्र बहादुर गोर्खालीले देश विकासमा सैनिकको योगदान भएकोले अब गाउँको र वडाको विकास गर्न पनि सैनिकको सहयोग हुने विश्वास व्यक्त गर्दै पार्टीको सङगठन निर्माणमा महत्त्वपूर्ण भुमिका खेल्ने बताउनुभयाे।
महाधिवेशन प्रतिनिधि बिल बहादुर तामाङले सैनिक संघलाई नेताहरूको प्रयोगमा नपर्न आग्रह गर्नुभयाे । तामाङले भुपु सैनिकहरुले सबैलाई समेटेर काम गर्न अनुरोध गर्नुभयाे । नेताको आलोचना र चाकाडी नगर्न उहाँले आग्रह गर्नुभयो ।
कार्यक्रममा टँक बहादुर कार्की, भुपेन्द्र बहादुर थापा, उध्दव बानियाँ, श्याम बहादुर गिरी, सुवास तिरुवा, देवकुमार काेइराला, बुध्दी बहादुर तामाङ, कुल बहादुर राउत, मणीलाेचन न्याैपाने, श्री लामा, सानुमाया हिमालय, जिवन कुमार थापामगर लगायत नेताहरूको बाक्लो उपस्थिती रहेको थियो। कार्यक्रम दल बहादुर रानाको सभापतित्वमा सम्पन्न भएको थियो।
अधिवेशनबाट अध्यक्षमा लिला बहादुर तामाङ निर्वाचित हुनुभएकाे छ, सचीवमा जलप्रसाद लम्साल, कोषाध्यक्षमा श्याम बहादुर श्रेष्ठ निर्वाचित हुँदा सदस्यमा राम बहादुर ठकुरी, विजयराम नापित, राम बहादुर गिरी, हरि बहादुर गिरी, काजी तामाङ ,राम बहादुर तामाङ, दल बहादुर भारती, वीर बहादुर तामाङ, गणेश बहादुर तामाङ, वोध विक्रम थापा, चुनलाल माझी सहित १५ जनाको कार्यसमिति निर्वाचित भएको हो ।
मेलम्ची र चाैताराकाे अधिवेशन सम्पन्न भईसकेकाे र बाँकी पालिकाहरुमा पनि अधिवेशन गरीने जिल्ला अध्यक्ष मणीलाेचन न्याैपानेले जानकारी दीनुभयाे ।


















