रेडियो मिसन ।
आयोजक ए ले मेलम्ची ८ क्यौरानीमा जारी जिल्ला स्तरिय भलिबल प्रतियोगितामा लगातार दोस्रो जित दर्ता गरेको छ । आज भएको खेलमा न्यूफेस युवा क्लव दुवाचौरलाई २५–१४, २५–२७ र २५–२२ को सेटमा हराउँदै आयोजक ए ले दोस्रो जित निकालेको हो । त्यस्तै मेलम्ची ७ सेल्ले र सिर्जनशिल युवा क्लबले समेत आफ्नो दोस्रो खेलमा पनि जित निकालेको छ । मेलम्ची ७ सेल्लेले मेलम्ची ९ ज्यामिरे लाई २७–२५, १७–२५ र २५–८ को सेटमा र सिर्जनशिल युवा क्लबले लाभगाउँ युवा क्लवलाई २५–१४ २५–८ को सेटमा पराजित गरेको हो । यस अघि भएको खेलमा आयोजक ए ले हेलम्बु ५ लाई, सेल्लेले लाभगाउँ युवा क्लवलाई र सिर्जनशिल युवा क्लबले मेलम्ची ९ ज्यामिरेलाई हराएको थियो ।
त्यस्तै आज भएको अन्य खेलमा सिन्धु भ्याली मेलम्ची २ र जुगल ४ बिजयी भएको छ । यी दुबै टोलीले मेलम्ची ६ लाई पराजित गरेको हो । सिन्धु भ्यालिको यो दोस्रो खेलमा पहिलो जित हो भने मेलम्ची ६ ले खेलेको दुबै खेलमा हार ब्यहोरेको हो ।
त्यस्तै आज भएको अन्य खेलहरुमा मेलम्ची ७ दुवाचौर, हेलम्बु ४, बनकाली युवा समाज, सिर्जनशिल युवा क्लव र हेलम्बु ५ बिजयी भएका छन् । यी टोलीले क्रमश बालसुधार माबि, जुगल ३, जुगल ४, लाभगाउँ युवा क्लब र आयोजक बि लाई पराजित गरेको हो ।
जलवाई देवी माबिको प्रांगणमा सोमबार देखि सुरु भएको प्रतियोगिताको वडा अध्यक्ष जितबहादुर तामाङले उद्घाटन गर्नुभएको थियो ।
जिल्ला स्तरीय भलिबल प्रतियोगिता सञ्चालन समिती मेलम्ची ८ को आयोजनामा भइरहेको प्रतियोगितामा १७ टिम सहभागि भएको समितीका आकाश स्याङ्बोले जानकारी दिनुभयो । सहभागी टोलीलाई ४ समुहमा बिभाजन गरी खेलाईएको छ ।
प्रतियोगिता बुधबार सम्म चल्ने भनिएपनि सबै खेलहरु सकिन समय लाग्ने भएपछि बिहिबार मात्रै फाइनल खेल हुने आयोजकले जानकारी दिएको छ ।
प्रतियोगितामा प्रथम हुनेले नगद १ लाख, द्वितीय हुनेले ६० हजार तृतीय हुनेले ३० हजार र सान्त्वना हुने टोलीले १५ हजार नगद सहित ट्रफी, मेडल, प्रमाण–पत्र पाउने आयोजक जिल्ला स्तरिय भलिवल प्रतियोगिता सञ्चालन समितिका कृष्ण तामाङले बताउनुभयो । उत्कृष्ट खेलाडीहरुलाई ट्रफी, मेडल, प्रमाण–पत्र रहेको आयोजकले जनाएको छ ।
